初味 (已搬遷) 新店位置

较早前上网买左coupon今日黎食，几抵同唔错，岩岩再上网check左仲卖紧，可以买多几张同朋友过来聚会用！午餐选择都唔少，包厨师沙律，是日餐汤，主菜及餐饮。沙律既酱汁好特别，带有少少泰式辣酱既味道，都几开胃！至于餐汤系薯仔忌廉汤，有粒粒薯仔粒，滑口得黎又有口感！我既主菜烧西班牙黑毛猪柳配烧虎虾，上台时好香喔～猪柳有度好，就系唔会鞋口！而且好淋无筋唔靭，烧烤得刚刚好！不过只虎虾就比我想像中有点细只，但都好爽口！餐饮配咖啡唔需要另外加钱。香浓咖啡为呢一餐画上句号。