梁記餃子麵坊 (已結業)

我好钟意食饺子，所以经过见到呢间饺子专门店一定要试下。好多款唔同既饺子，花多眼乱！！真系想试哂，有一款什锦饺应该可以试哂！！下次必试今次就试左菜甫沙葛饺（猪肉）拼香甜南瓜饺（猪肉）。我叫左剩饺无叫面底。因为真系太钟意食饺子碗饺子一上就想大叫！哗！好多啊！正啊有成九粒饺子，仲有葱花，成碗野一上就好香！汤底都好清甜唔会太咸。香甜南瓜饺，饺如其名，好香好甜，南瓜淋得黎唔会散哂，成旧饺好实净，饺皮又薄，真系一粒又一粒，停唔到口！菜甫沙葛饺，对沙葛真系毫无抵抗力，好清爽清甜，配埋菜甫仲有红萝卜，真系绝配，好好食！！叫野食仲可以加$4有豆浆，好有豆味，成餐都好满足！一定要再食！