FAMA (已結業)

呢间系工业大厦入面嘅餐厅，真系要朋友介绍先会识得黎。令人尴尬嘅菜名，背后都隐藏着带点文青嘅用心。朋友叫咗「我最初面红」嘅酱烤猪肋骨，腌得好入味，而且系成排猪肋骨咁上碟，睇落去就已经大满足。但系薯条就有啲似翻炸过，好干身。另外嘅「呃like全日早餐」，每一part都有用心选材，味道系水准之上。而饮品方面，爆谷朱古力属于推介饮品，大大杯朱古力再加上cream同爆谷，真系值回票价。但系爆谷鲜奶咖啡就真系麻麻哋！虽然好大杯，但系唔见主角爆谷，而饮落去亦冇爆谷味，咖啡味亦都失咗踪。整体来讲，嘢食水准都算唔错，而且系工业大厦入面环境非常清静，好啱慢慢坐低望住山景同朋友倾下计。