影片
更多
2023-05-13
491 浏览
💖半岛既英式下午茶食评一直好坏参半，而我系呢几年入面，随住愈试愈多各星酒店、西餐厅、cafe既英式下午茶，只可以话半岛带畀我既用餐体验系最多元化，性价比最高，亦都令我成为佢既忠实fans. 💖先讲menu，半岛英式下午茶会大约每季转menu, 有d联乘主题，甚至只系得个几月，就好似今年复活节主题系我喜爱既Peter Rabbit, 由3月中出广告，过两日打去已经去到4月尾、个主题完结前所有weekends full booking, 唯有不惜平日请假黎朝圣。定期有变化既menu吸引唔少半岛fans、主题fans、外籍游客/商务旅客。💖咸点同甜点随住季节同主题系外形或者食材上有变化，每次食都有新鲜感，例如简简单单既「经典青瓜三文冶配忌廉芝士」，外形上试过传统既长方形同蛋卷形，圣诞期间仲有圣诞树🎄形😍；又例如迷你汉堡包，复活节呢round既馅系海虾、蟹肉，圣诞节果round系汉堡牛肉。所以好仔细咁品评每件咸点甜点既味道for自己记录系ok, for其他人参考价值不大，因为大家唔同时期会食到唔同野。个人认为食半岛咸点甜点个focus可以系欣赏厨师既创新同埋精细工艺，可以系框架内利用不同食材同
💖先讲menu，半岛英式下午茶会大约每季转menu, 有d联乘主题，甚至只系得个几月，就好似今年复活节主题系我喜爱既Peter Rabbit, 由3月中出广告，过两日打去已经去到4月尾、个主题完结前所有weekends full booking, 唯有不惜平日请假黎朝圣。定期有变化既menu吸引唔少半岛fans、主题fans、外籍游客/商务旅客。
💖咸点同甜点随住季节同主题系外形或者食材上有变化，每次食都有新鲜感，例如简简单单既「经典青瓜三文冶配忌廉芝士」，外形上试过传统既长方形同蛋卷形，圣诞期间仲有圣诞树🎄形😍；又例如迷你汉堡包，复活节呢round既馅系海虾、蟹肉，圣诞节果round系汉堡牛肉。所以好仔细咁品评每件咸点甜点既味道for自己记录系ok, for其他人参考价值不大，因为大家唔同时期会食到唔同野。个人认为食半岛咸点甜点个focus可以系欣赏厨师既创新同埋精细工艺，可以系框架内利用不同食材同心思为食客带来视觉同味觉上既新感受。
💖唯一不变既食物系scone，正如我之前其他食评提过，scone都系一样好考厨师实力既点心，冇任何花巧外形可言，食客钟唔钟意，全凭口感同味道取胜。老实讲3-4年前我同朋友都觉得文华东方既scone系最好食，但近1-2年再去果度食，已经冇左以前一入口就心心眼既感觉，我地都唔知系我地口味变左定佢地换左厨师，取而代之，我地都一致认为半岛既scone成为我地心中榜首。半岛既scone, 大小、软硬度适中，可以得心应手、保持优雅咁查到cream/ jam，唔会好似之前食评提过有间查查下成个散左。味道方面，scone本身奶油味香、唔会太甜，加埋cream/ jam, 味道恰到好处。之前staycation试过take away D scone, 番屋企隔日叮番热依然唔会干粉👍🏻。
💖环境方面，个人系好钟意历史文化建筑，半岛大堂楼底高，一排排既柱梁加上巴洛克风格既装饰，仲有拱窗，令大堂更显气派，身处有近百年历史既一级历史建筑到食维多利式下午茶，更有气氛。
💖氛围感亦都系整个用餐体验既加分位，圣诞节、过年呢d大节日，有大圣诞树、半岛圣诞熊、桃花，巧妙咁凝聚左在座既食客，大家会有个joint attention, 望住圣诞树用餐、一齐出去影相。主题下午茶亦都相关小纪念品，例如Peter Rabbit填色簿、Bulgari明信片，虽然都唔系咩贵重野，但感受到酒店既心思，因为呢d野本身都系bonus.
💖现场乐队亦都系重要元素，唔少五星酒店/西餐厅都有现场钢琴演奏，而半岛有4位乐师小型orchestra, 分别演奏钢琴、小提琴、大提琴同埋长笛。演奏既歌曲以西方音乐为主，由巴洛克/古典音乐例如歌剧中耳熟能详既咏叹调，到流行音乐例如家传户晓既迪士尼动画歌曲都有，试想像下，Canon in D / Colours of the Wind 由敲击乐、弦乐、管乐合奏带黎听觉体验自然更丰富、有层次。不过疫情/后疫情阶段好似唔系每次去都有齐4师live band🥺希望佢地可以日日full team 💪🏻。
💖至于抵唔抵食，其实都好睇果次用餐想focus系边，如果focus 饱唔饱，半岛个下午茶系饱既，但系如果要好似食buffet咁食到12成超级饱，可能要拣d可以refill/ semi-buffet既酒店/餐厅，但个人经验，有semi buffet既下午茶，可能会因为用左d quota 食周边野，个下午茶set即场食唔晒，如果take away就要keep到食物新鲜度。如果可以refill既下午茶set, 可能会因为太饱而滞左，要拣个啱自己食野份量同饮食模式既下午茶。如果以上几个💖point唔系重点，咁真系有好多其他更抵既选择。
💖💖💖💖💖💖💖💖💖💖
食Peter Rabbit 主题点少得带埋Peter Rabbit🐰黎打卡😆
10 浏览
0 赞好
0 留言
8 浏览
0 赞好
0 留言
17 浏览
0 赞好
0 留言
侍应见我咁钟意Peter Rabbit, 送左本Peter Rabbit x The Peninsula Bear 既填色簿😍。
12 浏览
0 赞好
0 留言
9 浏览
0 赞好
0 留言
换上圣诞装、好识摆pose既半岛熊🐻，可以排队同佢影相😍
除左食物，每年圣诞树装饰都有唔同
21 浏览
0 赞好
0 留言
17 浏览
0 赞好
0 留言
10 浏览
0 赞好
0 留言
12 浏览
0 赞好
0 留言
张贴
