街頭火鍋

营业中

休息中

我最心爱嘅火锅店推介(ᐡ ̳ᴗ ̫ ᴗ ̳ᐡ)，呢排食咗一间非常满意嘅火锅店叫做街头火锅！我系食完觉得佢哋个汤底真系真材实料好好饮！打边炉一定要拣一个靓汤底！✨花胶浓鸡汤✨冇错啦，我就系食咗呢一个花胶浓鸡汤，估唔到真系落足料，大大只鸡喺入面，而且啲花胶都唔系散修修系好大只，花胶超滑，令到个汤底都有满满嘅骨胶原！味道方面好清甜！就连啲鸡肉都好滑啊！✨新鲜牛舌芯✨牛舌心非常新鲜，好爽嫩！好少食到咁高质！✨牛王莫牛五宝✨一次过有齐晒新鲜滑牛，金钱展，牛胸爽，封门柳，黑柏叶！新鲜滑牛超级嫩，金钱展带点咬口，牛胸爽够晒爽滑，封门柳柔嫩的肉质，黑柏叶无漂白又新鲜，全部都有丰富的肉汁！✨招牌三宝丸✨三宝丸都系我嘅最爱，因为喺其他地方都食唔到咁好食嘅丸，梅菜猪肉丸系最特别嘅，虾丸都好弹牙，安利墨鱼丸都系大大粒好香墨鱼味！