宴 尖沙咀

好耐冇去我最钟意嘅居酒屋食晚饭喇，特别怀念𠮶边嘅刺身，所以今晚打算过去食。我同以前一样，一个人都可以点好多𩠌，因为真系太好味啦！苦瓜猪肉：猪肉肉质鲜嫩，加埋清脆嘅苦瓜，口感非常多层次，越食越有胃口！而且呢度嘅苦瓜一啲都唔苦，非常可口！鸡肉棒：呢度嘅鸡肉棒系自制嘅，沾埋生蛋黄一齐食，更加滑顺香浓，肉质软嫩，仲有鸡肉独有嘅香气，超好味！炒猪肉面筋：佢哋嘅面筋真系前所未有咁好食，富有弹性嘅口感，加埋猪肉嘅香气，食到停唔到口！腐乳：腐乳煮得非常入味，口感好滑，绝对唔会卡牙，特别钟意佢哋调制嘅味道，好符合腐乳嘅口感。串烧鸡肉：肉烧得啱啱好，唔会柴，然后搭配梅子酱，味道好香甜，放入口𠮶瞬间，可以食到烧鸡嘅香味，好美味！花生豆腐：非常清甜，但甜度适中，唔会腻，放入口都可以充分品尝到豆腐嘅滑嫩，仲有花生本身嘅香气，食咗一口根本停唔到口！刺身喜之次：呢度嘅喜之次表面系用火灸嘅，鱼肉颜色鲜红，肉质非常细腻，仲有非常丰富嘅胶原蛋白，食起嚟特别顺口。呢度嘅食物水准一啲都冇变，一样新鲜好味，简直系我嘅TOP 1 日本料理！