影片
更多
2021-03-27
2459 浏览
其实我感觉到厨师对煮嘢食嘅热诚，但系佢比较适合做返自己专长嘅菜式，小店人手有限，唔需要刻意做啲乜嘢摆盆，玩太多新菜式。其实我哋帮衬左两次，两次都系厨师发板（版？）。第一次系禁堂食嘅时候，海鲜外卖返屋企质素可能冇咁好所以想俾多次机会佢，所以前排再去多次堂食。其中有一味桂花白鳝，我觉得有啲浪费咗，可能厨师想带出鳝嘅鲜味，所以佢冇调味，鳝嘅皮煎到好香，但系响碟上嘅桂花同埋蜜糖，同鳝嘅味道格格不入，而且条鱼本身嘅肉比较实，响冇调味嘅状态下鳝嘅肉会有少少酸味，我宁愿佢做返豉椒，好似大排档风格咁。鱼汤菠菜好好味，听讲佢系鱼汤好出名所以呢啲招牌嘅冇问题。跟住就嚟咗一个龙虾，龙虾下面系啲煎香嘅米粉饼，龙虾好新鲜，厨师就咁煎香唔使点调味都好鲜甜，但系下面啲米粉份量太多，表面有煎香嘅地方好快就冻咗，剩返下面有啲湿嘅有少少不伦不类，龙虾仲有一小碗汤汁，汤汁冇乜味道，作用不大，我宁愿佢俾返伊面底。头盘系蒜蓉金菇圣子同埋扇贝，我本身好钟意食蒜头，觉得蒜蓉唔够多，同埋佢冇好似出边放D滚油，令到成碟野香口。总括嚟讲成餐饭我觉得好清淡，可能厨师想带出佢海鲜本身好新鲜唔需要太多调味，但系作为一个食惯味精嘅香港人来讲，成
其实我哋帮衬左两次，两次都系厨师发板（版？）。
第一次系禁堂食嘅时候，海鲜外卖返屋企质素可能冇咁好所以想俾多次机会佢，所以前排再去多次堂食。
其中有一味桂花白鳝，我觉得有啲浪费咗，可能厨师想带出鳝嘅鲜味，所以佢冇调味，鳝嘅皮煎到好香，但系响碟上嘅桂花同埋蜜糖，同鳝嘅味道格格不入，而且条鱼本身嘅肉比较实，响冇调味嘅状态下鳝嘅肉会有少少酸味，我宁愿佢做返豉椒，好似大排档风格咁。
鱼汤菠菜好好味，听讲佢系鱼汤好出名所以呢啲招牌嘅冇问题。
跟住就嚟咗一个龙虾，龙虾下面系啲煎香嘅米粉饼，龙虾好新鲜，厨师就咁煎香唔使点调味都好鲜甜，但系下面啲米粉份量太多，表面有煎香嘅地方好快就冻咗，剩返下面有啲湿嘅有少少不伦不类，龙虾仲有一小碗汤汁，汤汁冇乜味道，作用不大，我宁愿佢俾返伊面底。
头盘系蒜蓉金菇圣子同埋扇贝，我本身好钟意食蒜头，觉得蒜蓉唔够多，同埋佢冇好似出边放D滚油，令到成碟野香口。
总括嚟讲成餐饭我觉得好清淡，可能厨师想带出佢海鲜本身好新鲜唔需要太多调味，但系作为一个食惯味精嘅香港人来讲，成晚咁多碟菜全部白雪雪，有啲唔系好习惯。
最后，我绝对感受到厨师对佢食物质素嘅执着，佢希望比最好嘅俾我哋在座每一位，但系亦都希望佢明白自己只不过系一间小店，一个人同一时间要做咁多唔同嘅菜式，又要照顾咁多个客人，菜式可以保守少少，唔使做咁多花巧嘢，我相信有继续去光顾佢嘅都系钟意食佢嘅撚手嘢食，而唔系想试佢啲新菜式。
张贴