胡爐 (已結業)

好耐冇食打边炉放题，今晚食咗呢间质素好高！一开始先有一兜迷你佛跳墙，味道几好食！佢个放题好丰富，一开始先拣一个窝，我哋要咗胡炉醉鸭窝！鸭窝一上枱已经闻到阵阵酒香，食起上嚟鸭肉鲜嫩，肉质够淋，好食！之后就有海鲜拼盘、胡炉拼盘、手工丸饺拼盘，仲有好多火锅料可以追加，真系好丰富海鲜样样都好新鲜，最正系鲍鱼，口感几好，味道都几鲜！肉类方面我哋钟意黑毛猪同埋澳洲和牛，虽然呢个胡炉拼盘冇得追加，不过已经分量十足！和牛味道浓郁，大家食到停唔到！之后已经好饱，唔系食咗好多火锅料；推介一定要食广岛蚝，Order左几转都好正！食到最后个汤底好正，用嚟煮公仔面啱晒！食到好饱好满足