越一越南牛肉粉專門店 (已結業)

粉岭一日游，中午的午餐拣了在粉岭中心食，一出火车站行过第二个商场就到了，餐厅在地下，唔熟路其实都几难揾㗎，好彩今日同一位地胆来，转个弯就到。午餐set大约五十蚊左右，有一杯餐饮送，可以加钱转特饮。自己拣左要海南鸡饭，无特别问所以跟左白饭，无油饭咁香，但白饭健康啲呀，海南鸡够滑，已去骨，皮下脂肪亦不多，点埋酱汁劲正，个人较贪心加重口味，点齐姜蒜豉油好味呀。朋友个香辣肉碎煎蛋饭几靓仔，只蛋黄超正，最钟意蛋汁捞饭，肉碎香口微辣，又系好好捞饭。饮品转左三色冰同咸柠疏打，冰凉透心，夏天饮超劲舒服。