Cafe de Tiffany (已結業)

今日食咗咩？罗宋汤、牛油餐包 (麦包铁板羊架配薯条(洋葱、粟米做:够健康)至爱冻啡(nice!)除咗钟意去元朗食嘢, 我都钟意去粉岭联和墟食、食、食！　钟意𠮶到好多细细间既铺，没有连锁店，各有自己特色，食物质素好、价钱合理。我特别爱呢间ＣＡＦＥ既铁板，猪、牛、鸡、鱼、羊都有得拣。新年食得太多中菜，今日黎整番个铁板纽西兰羊架先！铁板一到你会好开心，成个板都放满食物！　羊架我要了medium well, 煎得恰到好处, 而且我要了的黑椒汁都唔洗蘸，因为完全唔觉得膻！喜欢食羊的朋友ＧＯ啦！　另外呢，好赞佢垫底既onion同粟米，唔会吸哂啲油，好难得可以全部放心咁食哂，完全唔觉得腻，反觉好似食咗菜冇咁guiltP！　再讲番佢个罗宋汤，难得饮番又浓、又酸、又辣的口感，再配埋个软腍腍既餐包（唔系一般既甜餐包）真系好满足！食嘢钟意睇门面同内装既我都另我对佢加分，门面大大个靓招牌，内里主要系木色装修，入到去有著好悠闲既感觉。