十二味麻辣香鍋 (已結業)

跟思羽初次约会，难得朋友仔食得辣，而且我一直都好想食台湾名菜十二味淡水龙虾仔，揾到黎尖沙咀。第一次约会都迟到？您想死定喇。人家尊登揾到黎依度为左食麻辣淡水龙虾仔，点知无得卖啰，咁我洗鬼帮衬您咩！全晚冷清清，半数食客都系操国语，连侍应阿姐都系啰，广东话都唔识讲，想点？地方坐得几舒服开扬，露天位宁静又空气流通。奈何食物选择不多，似小食送酒 feel。先黎个前菜蒜拍黄瓜，净系盐同蒜，简单清新爽脆又几好味㖞。麻辣香锅大辣，朋友仔想挑战大辣香辣锅，当然无问题啦！唔系好辣乍㖞，不过我都成头湿晒喇！大量香料香菜，够香口。睇黎听日一定副作用强劲。带子、海虾、田鸡、牛柏叶、木耳、窝笋，点知系牛柏叶最好味啰！窝笋都好，带子同虾都麻麻，雪藏无鲜味无味道，水味浓。田鸡肉好有咬口，但滑溜鲜味欠棒，都系雪藏货。花椒腊肉炒饭，腊肉油脂劲香，粒粒香口腊肉够咽韧，咸香四溢，虽然油润一点，不过捞上饱满饭粒真心好味。