東湖小廚聯威餐廳

营业中

休息中

呢间茶餐厅，我哋由细帮衬到大。里面嘅职员，我哋都见惯见熟( ´▽` )ﾉ不过，我哋平时多数帮衬嘅系夜晚堂食或者系外卖，我就好少会帮衬佢哋嘅早餐。试咗好几日其他舖头嘅沙嗲牛肉公仔面，今日我就专登试吓平时成日帮衬嘅茶餐厅，睇吓佢哋嘅沙嗲牛肉公仔面质素系点。同平时啲茶餐厅差唔多，佢哋将啲牛肉乸到霉晒，冇乜咬口，完全唔系牛肉应有嘅质感。沙嗲越食越冇沙嗲味，得个咸字，啲面质就OK嘅，唔系好淋。不过我最欣赏就系佢哋个方包，因为我以为会系啲隔夜嘅面包，点知原来好新鲜好松软，而且佢哋将块方包系搽到满满嘅牛油，好似自己喺屋企食方包咁。赞٩(˃̶͈̀௰˂̶͈́)و总括来讲，佢哋嘅早餐质素唔系特别好，不过好在就有九折嘅外卖优惠！我都系留番啲quota，食佢哋嘅夜晚嘅炒粉面饭。