我的意大利廚房 (已結業)

餐厅位于食肆林立嘅湾仔QRE， 覆式有上、下两层，一边樯有玻璃窗令光线射进餐厅，而窗台上种满香草，被安排坐落窗台旁嘅餐桌，有唔错景观仲有Rosemary 系旁边添。午市套餐非常扺食又有多款选择，今次叫咗两个$188套餐，一牛一猪。餐包系热辣辣嘅法包，配有蒜蓉橄榄油酱、芝士粉，另有包装牛油、橄榄油、醋。蒜蓉橄榄油酱非常浓味配面包食一流，不过有啲怕口气太大 。 是日餐汤系意大利杂菜汤，汤够晒热而且蔬菜味道清新兼酸酸地，好开胃。主菜之前有一款pasta，今次系蕃茄意粉。 份量好大好似主菜咁，有鲜蕃茄肉但味道较淡，意粉较粗身，食完成碟都已经八九成饱喇。牛肉薄切配薯菜，朋友话肉质几好刚熟，味道好浓有啲过咸，粗薯条新鲜炸脆卜卜。而我个猪扒烤到金黄色有好多香料喺面，肉质结实而味道都系偏重，旁边伴菜新鲜减低油腻感觉。套餐包埋餐茶同甜品，红茶香浓而柠檬新鲜，两者味道好夹。 甜品系有焦糖面嘅奶布甸，质地好杰都几漏。呢个set lunch份量好多，男士都好足够，对女生嚟讲确实好吃力去完成。 所以系十分抵食咖。