我的意大利廚房 (已結業)

上課的時候導師極力推介灣仔的一家意大利餐廳，無獨有偶，小的居然在機緣巧合下早有品嚐。La Cucina位於合和大廈對面的QRE Plaza高層。當天小的於合和中心謀事，本來與朋友約了在25樓的Espuma晚餐。誰知午飯時間不由自主地光顧了Espuma，對其出品甚有保留，有時候美食評台也存在著打手，結果晚餐臨時轉陣改了到21樓的La Cucina。導師講解時表示La Cucina乃非常有水準的意大利餐廳，其意大利粉的出品能做到傳統正宗的外軟中間一點硬。不好意思，其實小的是個喜歡吃軟飯的人，這麼的一點硬甚不合心。然而當天於La Cucina卻未有太大的感覺。反而是因為小的不懂得點菜，結果無論是煮海鮮或烹意粉全部都只得一個味：就是蕃茄底的味。一開始吃還感開胃有趣，但當每一盤菜都有同樣演繹，最後便落得枯燥乏味，連口到寡了！幸好她們的提拉米蘇力挽狂欄，留下美好的回憶。這次與同學們討論功課，完事後一位同學熱切地提意到導師推介的餐廳La Cucina試菜去。時間已達二時，小的心底裡有點遲疑，皆因當晚六時已約了品嚐專貴的和式放題，其實自己本不打算午餐，希望預留肚子今晚喪吃。可惜在同學盛興之下不好意思推

我和朋友食過兩次呢間餐廳啦，今次食lunch，我喺好遠好趕咁行過嚟，黎到上氣唔接下氣，係咁叫店員斟水俾我，斟完一杯又一杯😂我諗實嚇親佢🤭呢度有兩層，環境都幾好架！好似置身於外地咁，仲有公仔添🤣食物方面，特別推薦🔸餐前麵包(8/10)塊麵包其實無乜特別，我係想推薦個蒜蓉香草醬，超香超多蒜蓉，真係幾正架！👍🏻🔸Daily Special (💰138)(7.5/10)▫️雜菌湯▫️特式香辣鷄扒配沙律及薯角▫️茶/咖啡雜菌湯都幾濃。雞扒juicy嫩滑，薯角可以炸耐啲啲。啲菜無乜醬料，乾爭爭。個擺盤唔係幾靚，好似將幾樣嘢是但放埋一齊咁🫣😂🔸Daily Special 1a (💰118)(7/10)▫️菠菜湯▫️意大利乾番茄香蒜吞拿魚粗意粉▫️茶/咖啡▫️布丁意粉味道係唔錯嘅，仲好多呑拿魚添。可惜個擺盤又出事，啲意粉咁亂嘅。呢度客人唔多，但出菜有啲慢，我諗佢都expect你慢慢食，enjoy下佢環境🤗不過佢可以學下裝飾擺盤😂咁樣會令人更喜歡佢嘅菜式😅Overall評分: 7.5/10

食完呢間餐廳之後有上網睇過相關食評，發現有部份Foodie會覺得呢間餐廳嘅員工服務態度好差甚至有黑面嘅情況💔但我今次去完全感受唔到佢哋所講嘅嘢，staff會好nice咁招呼我地一樣到一樣😉 所以我諗情況應該係大大改善咗，希望大家係鍾意食佢哋嘅食物情況底下可以俾多次機會😌好快就會有餐包送上嚟，配有蒜蓉醬同埋芝士粉，味道好match😋之後食個意粉就可以沈少少芝士粉，畫龍點睛🥳最後雜菜湯同埋甜品芒果布丁嘅味道不過不失😂呢個價錢有咁多嘢食真係抵到爛👏🏻👍🏻總括而言都係一間體驗幾好嘅餐廳，會有下一次🫶🏻（10%service charge）

位於灣仔的La Cucina Italiana開業14年，從未更改的餐牌，只為留住客人兒時的味道記憶，即使多年後，仍能在這裡找回同樣的味道，重溫被美味環抱的幸福之感。當天我們點了雜錦冷盤、烤牛配蘑菇汁、Tiramisu、Apple Pie等等，每道菜餚各具特色，雖不是珍饈百味，卻有種難以言表的富足。餐廳的格局令人彷彿置身在國外，窗邊的攀藤植物、木製的高身椅子、具豐富細節的暖色牆面、充滿小心思的地磚。選用椅背這麼高的凳子，是為了給客人營造更屬於自己的空間感，享用美食時減少受到周遭環境的喧擾。「我的廚房．你的廚房」是餐廳的理念，意指這裡的廚房亦是客人的廚房，希望給大家帶來家的感覺。

服務奇怪意大利餐廳❌🙅‍♀️Homemade Bread🥖一坐低就會送上麵包🥖，有兩塊蕃茄小法包🍅，味道正常冇咩特別，而另外會有芝士粉同埋蒜蓉醬🧄🧀，蒜蓉將條配得幾香有橄欖油蒜蓉同辣椒可以餐前refresh下刺激味蕾。Easter Egg Pizza 🐣🍕 ($118)呢個Pizza🍕嘅配搭喺出面比較少試，叫Easter Egg🍳 ，係番茄醬底🥫，有芝士🧀，雞蛋仲要有少少流心，仲鋪滿左salami 🍖，配料方面就好足料了，啖啖都好滿足，但係個餅底就比較薄同埋冇咩麵粉香。Linguine with Smoked Salmon 🍝 ($135)個意粉住得都算al dente，軟硬度啱啱好，食落夠彈牙，鄺意粉都要好容易掛得住啲汁，預咗煙三文魚本身會比較濃味少少，但係呢個係比較偏鹹，係完全死咸嗰隻😥就算連埋意粉一齊食都覺得好鹹。😵Tiramisu ($55)佢個芝士都好絲滑又淡淡嘅蛋香味，好creamy，入面嘅蛋糕就浸得比較多酒同咖啡☕️，個味道龍濃咗啲，會有好大陣酒味同埋會比較苦，容易掩蓋左芝士嘅味道，佢比一般嘅Tiramisu特別嘅地方係中間有啲chocolate chips🍫，增加口感，又估

🎈環境✅坐得舒服✅安靜談心✅意風情的氣氛，有窗有園境🔴冷氣不足.🎈餐牌.🎈食物.👇麵包屬軟熟型，重點是那兩碟旁邊的，一碟是芝士碎，另一碟超正，似蒜蓉類味道，搽麵包一流。.👇意大利巴馬火腿蘑菇薄餅 (大) $128⭐️⭐️⭐️💫 3.5分大是28cm，小是23cm，價錢只差$6，小 $122，大則$128，如果吃得完，當然是大較抵，吃不完則可帶走。味道可以，巴馬火腿夠多，我個人不太喜薄批餅和巴馬火腿，所以只給3.5分，純粹是我個人喜好原因。.👇焗白汁核桃薯仔蛋 Gnocchi with walnut sauce $135⭐️⭐️⭐️💫 3.5分薯仔蛋即 gnocchi, 由薯仔麵粉造的，在香港不是每間意大利餐廳都有，有得叫的餐廳又未必煮得好味，我未真正食過好食的。這個算是還可以，整得有點太滯口，gnocchi 口感亦欠了彈牙感，我以前在意大利食過，真的不會有滯口感，這碟的口味我覺得大部分香港食客會覺得滯，除非是喜歡重口味的人如我一般😆.👇Tiramisu $55⭐️⭐️⭐️味道一般般，酒味較重，蛋糕口感有點太淋。.🎈總結✅傾計正，人不多，環境較靜✅食物味道算好✅價錢亦算合理✅選擇多

入到店內，外藉男服務員問我們幾多位，然後講‘this way’, 我們三個人好自然跟住他行，行咗幾步，他停低幫另一枱客人倒水，我哋就企喺度陪佢，他再講‘this way’ 又帶我哋三個行去相反方向，今次他行回收銀櫃，我哋三個呆咗望住佢（究竟係咪帶位㗎😤）他第三次講’this way’ 就帶我們往上層，他指一指張枱，然後就行咗去！之後奉上湯和食物時，他都是大大力放低！意大利餐廳竟然有咁嘅服務態度，真是大開眼界！

今日同朋友lunch hour 在灣仔搵食，無意中入咗去依間餐廳。首先第一個感覺係個外藉女waitress黑口黑面，好似去咗茶仔咁，算！揀咗依個lunch set , 本來都冇乜期望！麵包係脆嘅，配埋蒜蓉醬和芝士粉酸酸地幾好食！雜菌湯濃度剛剛好，滿意！main course 估唔到塊雞扒肉質咁煙靱，雞肉有彈性，冇肥膏，望落好細塊，但係夠厚，所以食完都開始飽。之後加左少少檸檬汁吊味，尤其最有驚喜係雞塊上面啡色依個醬汁，味道係咸和辣，好惹味，雞皮係脆嘅，估唔到個廚師真係有料到，冇嚟錯！

周末同朋友一齊出街，原本想去pizzaexpress，但人多，所以就近選擇呢間義大利餐廳，呢間係我去過的所有義大利餐廳中，服務態度最差嘅一間，不知所謂！在我印象中好少義大利餐廳服務態度差！講真，菜品質素適中！無功無過，但是態度辜負著菜品！男服務員全程黑面仲冇好氣，個樣真係睇唔到，因戴口罩，入到21樓門口個姊姊就已經態度好差，如果唔係因為掛住同朋友離開，真係好想投訴，建議唔好做服務行業！老闆真係要好好管理下，見到如此品行服務員真係會消化不良！

臨時約同事午餐，沒有特別訂位。來到QRE 的意大利餐廳，佔地2層，lunch全場未見full house。環境舒適優雅。2樓全層得5檯人，1個waiter serve全層，一次過點餐、上菜、埋單。變成5 in 1嘅感覺lunch set有4個選擇，包餐湯&飲品。餐湯選擇了雜菌湯，但未到有種飲中堂蟲草花雞湯嘅感覺。main嘅選擇有魚，牛扒，pasta，都算齊全。雖然牛扒肉質未算好好，不過調味做得好好，配菜新鮮。整體用餐很愉快

今晚約咗朋友仔聚舊，返嚟灣仔嘅QRE食意大利菜，之前食過佢嘅lunch ok，隔咗咁耐睇下夜晚質素又如何先！時間尚早，餐廳得一枱食客，好靜好闊落好舒服，晏少少多返幾枱客，但都係靜，岩哂怕嘈嘅我。夜晚無set，叫a la carte，餐牌都幾多選擇，呢度只係一部分，所以一定有你心水。坐低無耐好快就送上麵包同Bruschetta。麵包唔算柔軟，但加埋附上的蒜醬食都ok。Bruschetta上嘅蕃茄幾新鮮爽脆，夏天食幾開胃。我地叫咗下面個pizza，23cm，兩個女仔分都幾飽。佢係薄身個種，啲餡幾夠幾豐富，有mozzarella、蘑菇、青椒、洋蔥、辣肉腸，味道唔錯唔會太辣。最得意係呢個fazzoletto ，釀咗菠菜同芝士，一份有三隻，有半隻碟咁大！個皮好軟熟，隱約有少少蛋香，菠菜整到好碎但好實正，配埋香草牛油汁食好好味喎！總括而言呢個係同朋友食飯嘅好地方，好乾淨又靜，食物質素都ok，價錢適中。

餐廳名字叫做廚房，款式相當多樣化。麵包，沙拉，配菜，披薩，意粉，意飯，主菜，甜品，每一類都有多種選擇。隨心叫了來自義大利的紅酒，果味濃郁，越喝越順口。餐包是薄餅，點橄欖油，非常美味。前菜是熟什菜，應該是橄欖油及鹽調味，清脆鮮甜，健康美味。主菜要了雞扒及薄燒牛。份量相當大，兩塊微辣的厚雞扒，肉質一般但調味不錯。牛肉雖是薄燒，整八大片份量十足，吞下六片已經相當飽。甜品🍮餐廳的裝潢像是意大利南部戶外小館，磚地配木質傢俬，綠色植物點綴窗台屋頂，復古風扇和昏黃燈光增添不少悠閒。無論食物還是環境，感覺就是隨心所欲，平淡中快樂用餐。

妺子提議下午2点(刚好午餐完结)，去LA CUCINA ITALIANA生日聚餐。同是厨師的我，當然喜歡注重原質原味为主的意大利烹调啦。進入餐廳給我一種家的感覺，温馨洋溢。点了兩款Daily special及lunch special,已經可以品嘗到各款菜式了。面包拌酱是自製香蒜油醋汁及巴馬臣芝士，很开胃的。Pasta是採用進口優質意大利干麵条，厨師烹煑面条控制刚好，所以口感很好而PizzaBase是即制薄脆餅底。各種汁酱濃厚，充滿南欧风味，厨師烹调也多善用有益的醋，使味道濃厚中带來減腻的神奇效果，亦同時使食物得以提鮮之效。甜品當然要品嘗自製的Tiramisu，酒香濃淡適中； Panna Cotta奶凍不能不试，味道非常討好。埋单前大厨Ronald得知我是寿星 , 熱情地给我一個生日祝賀。閒聊中得知我是行家後，熱情地招待我們参觀全店。Ronald原是工程師，曾在意大利掌厨8年及曾遊歷西班牙及葡萄牙，所以餐品及食材也很地道，出品依存到意大利菜的樸實精髓(原味鮮)。還有此店一切設計與施工也由Ronald一手包辦，温情純樸的設計，專業流程的料理空間；使餐廳的佈局與餐點融為一體，顧客用餐時享

早前情人節選擇左呢間餐廳慶祝，令人意想不到既係餐廳無因為特別節日而加價，都係沿用平時既餐牌，值得一讚👍。而且食物保持質素，最尾另外加錢食埋甜品，甜品做得超有水準。好好味😋除左食物，餐廳採光度充足，影相有自然打燈既效果，令人心情愉快。唯一美中不足係枱同枱之間太近😅

灣仔既QRE Plaza一向係唔少餐廳既集中地，試勻晒入面每間餐廳都要啲時間架😅今次就試咗幾種一間佔地兩層既意大利菜，佢個lunch sets有唔同價位，百零蚊去到二百零蚊都有，豐儉由人，今次嗌呢個$128既set都有齊餐包、餐湯、主菜、甜品同咖啡或茶，都算抵食。雜菌湯菇菌味香，質感creamy。意式火腿尖通粉配忌廉汁份量比較細，不過女仔食都叫啱啱好夠飽，通粉煮得剛好al dente，唔會太腍太硬。布丁布丁係芒果布丁，正正常常啦。人均消費：$150推介指數（10分為滿分）：7.5分