墾丁茶房 (已結業)

早上经常都会到垦丁食早餐，中意佢坐位舒适，比较阔落，但上星期几天都爆哂，门口仲要等位，可能是暑假d小朋友唔洗返学，见入面好多阿妈同仔女，于是今个星期我早少少落去，果然，虽然卡位都冇了，但起码唔洗等位，上个月都知佢转左新menu,虽然大同小异，不过多左3色蛋猪骨粥同炒面/银针粉，我想叫炒面，但已经冇哂，都未够10点半，唯有要银针粉啦！反正都好少会食到银针粉。个粥够杰身是我喜欢的口感，材料都好足，可惜应该系唔够人手，个样似系 扚起咗但冇人传菜，个粥面已鲸鲸地，食落口只是暖暖地，唉～另外个银针粉应该都系厨房所净无多， 捞底果浸，所以好油下，下次都系稳阵d食返西式算了。西式一直都好ok既，虽然价位唔低。