影片
更多
2019-12-21
1923 浏览
晌美孚区想食粥嘅话，大多数都喺落「海皇」，质素稳定，又经济实惠，唯一唔好就喺冷气劲大，近乎坐边个位都喺咁。其次，就喺落「怡园」，感觉唔错，只喺相对我哋嚟讲远少少。最近，老婆报料话以前晌「曼克顿山」嘅「又一间」执咗，依家变成「一粥面」，故此，今个星期六专诚行过去食餐早餐。对街一边嘅算喺正门，而商场𠮶边有另一个入口，而水牌、收银柜位都晌呢一边。新装修，加上整体格局，比起以前嘅「又一间」真喺好唔同，既阔落，又光猛整洁，更无话排到啲枱櫈密麻麻，以快餐店嚟计，佢哋真喺颇为阔落，感觉非常之好。如大多数快餐店咁，所有食物都晌晒出面水牌，一目了然。虽话佢哋主打卖粥卖面，但早餐类别中亦有唔少喺西式嘢，照顾到唔同客人嘅需要。人龙长嘅话，无问题，隔离就有两部自助点餐机，相信大家都唔陌生，因为家下有唔少快餐店都装咗。落好单，留意住「冧把」等攞嘢。而酱汁、糖盐及额外餐具，都可以晌出面自由取用。香葱樱花虾肠粉配啡茶 $24碟肠粉卖相又几靓仔㖞，睇得到落咗唔少樱花虾，非常足料，所以，食落极有口感，而肠粉嘅质感就唔算拉得好滑，算喺不过不失。但杯奶茶就完全唔得，茶底唔香，无乜茶味，又唔滑。香茜鱼粒粥配怀旧糯米鸡 $32
对街一边嘅算喺正门，而商场𠮶边有另一个入口，而水牌、收银柜位都晌呢一边。
新装修，加上整体格局，比起以前嘅「又一间」真喺好唔同，既阔落，又光猛整洁，更无话排到啲枱櫈密麻麻，以快餐店嚟计，佢哋真喺颇为阔落，感觉非常之好。
如大多数快餐店咁，所有食物都晌晒出面水牌，一目了然。虽话佢哋主打卖粥卖面，但早餐类别中亦有唔少喺西式嘢，照顾到唔同客人嘅需要。
人龙长嘅话，无问题，隔离就有两部自助点餐机，相信大家都唔陌生，因为家下有唔少快餐店都装咗。
落好单，留意住「冧把」等攞嘢。而酱汁、糖盐及额外餐具，都可以晌出面自由取用。
香葱樱花虾肠粉配啡茶 $24碟肠粉卖相又几靓仔㖞，睇得到落咗唔少樱花虾，非常足料，所以，食落极有口感，而肠粉嘅质感就唔算拉得好滑，算喺不过不失。但杯奶茶就完全唔得，茶底唔香，无乜茶味，又唔滑。
香茜鱼粒粥配怀旧糯米鸡 $32晌水牌已写明个粥喺细碗装，所以，都预期唔喺平常咁大碗，不过，碗只糯米鸡就好够饱肚。个粥底都够绵香，内里亦有唔少鱼粒，但一食就知喺雪藏货，爽口而无乜鱼味，香茜亦只喺随意洒几片，所以，食落个粥唔会有好重嘅芫茜味。
糯米鸡又如何呢？份量十足架，㓥开一睇，亦好足料，不过，就碎湿湿少少，唔似酒楼𠮶啲又有鸡件，又有叉烧……之类，似喺大版嘅珍珠鸡。味道则调校得唔错，唯糯米有啲削身，幸而未至于好烂嘅口感。
谂住嚟度舒舒服服食碗靓粥，好就好坐喇，不过，食物嘅水准一一般般咁啦，未至于差，但唔叫得好，期望嚟食好嘢就有啲捉错用神嘞，哈哈！
张贴
