影片
更多
2022-01-18
1941 浏览
星期一至五及星期日，基本上我俩公婆都会晌屋企食早餐，而星期六喺最轻松，朝早最无乜嘢搞嘅日子，所以，就会出街晌美孚周围揾吓食、轻松吓，之后可能行吓公园，或行一转短山。今次嘅选择喺盈晖荟嘅「云石堡」，呢个场越做越沉，几间食肆撑得住都喺完全靠街坊生意，基本上唔会有区外客过嚟，因为真喺有少少隔涉，而呢个铺位转过几手，依家嘅「云石堡」算喺做得长。 餐厅嘅格局喺L形，装修都喺基本嘢，但有别一般茶记咁光光猛猛，都喺昏昏暗暗搞吓情调咁。全场主要都喺4人卡位，而且，将啲卡位背板都间高咗好多，所以，影出嚟嘅环境相都净喺睇到啲板，哈哈！ 由于都喺4人卡位，疫情下客人都唔愿意搭枱啦，所以，部份卡位会晌枱上栋多一板间板，变相做成两张二人枱，务求繁忙时段做多少少生意。不过，我咃星期六早市嚟，真喺客人唔多，点坐都得。 基本餐具、调味料已一早放晒晌枱，虽然环境所做嘅防疫几好，不过，餐具无遮无掩就咁放晌上枱始终感觉无咁好，但依家喺唔喺都揾店员要杯热水消毒吓啲餐具，求个安心。 早餐一个餐牌一板纸睇晒，A-K共11款选择，定价$26-$40，款式都喺晌茶记惯有嘅款式；而另一版喺啲特餐、常餐、儿童餐，定价就贵啲，为$48-$
餐厅嘅格局喺L形，装修都喺基本嘢，但有别一般茶记咁光光猛猛，都喺昏昏暗暗搞吓情调咁。全场主要都喺4人卡位，而且，将啲卡位背板都间高咗好多，所以，影出嚟嘅环境相都净喺睇到啲板，哈哈！
由于都喺4人卡位，疫情下客人都唔愿意搭枱啦，所以，部份卡位会晌枱上栋多一板间板，变相做成两张二人枱，务求繁忙时段做多少少生意。不过，我咃星期六早市嚟，真喺客人唔多，点坐都得。
基本餐具、调味料已一早放晒晌枱，虽然环境所做嘅防疫几好，不过，餐具无遮无掩就咁放晌上枱始终感觉无咁好，但依家喺唔喺都揾店员要杯热水消毒吓啲餐具，求个安心。
早餐一个餐牌一板纸睇晒，A-K共11款选择，定价$26-$40，款式都喺晌茶记惯有嘅款式；而另一版喺啲特餐、常餐、儿童餐，定价就贵啲，为$48-$50，但就全日供应，万一早餐类真喺完全无样啱食，都仲有啲后备选择。
埋单时晌收银处见有啲外卖单张攞，所以，扫瞄贴埋出嚟俾大家参考，睇落就应该有齐晒餐厅嘅所有出品。
炒滑蛋牛油厚多士 我哋所拣嘅两款早餐，都配上炒蛋多士， 睇样就一般般啦，因为炒滑蛋又唔喺好滑蛋样，多士更加唔喺厚包嚟，基本上，就喺一般嘅炒蛋加多士，唔差嘅，只喺基本而已，索性摆埋一齐当蛋治咁食。
早餐K 健怡早餐 $30 老婆拣嘅早餐K，就哋除炒蛋多士外，仲配时菜粟米通粉，全素嘢，啱晒佢。通粉无煮过腍喺基本，但有唔少快餐店或茶记为方便，煮定一大锅又唔过冷河或降温，啲余温咪整腍晒啲通粉啰。而配以大量生菜同粟米粒，衬鸡汤底，够健康，但味道就当然会普普通通啲啦。
早餐F 特色早餐 $38 小弟就拣配淡牛脷汤意粉，好得意，平常啲餐厅会写咸牛脷，但佢哋就写到明淡牛脷，但食落就真喺一啲都唔淡煎得几香口，入口富柔韧感，好有牛脷嘅独特膻香味。汤意粉亦OK啦，最紧要无煮腍都收货喇，加上份量足，食完都好饱吓。
热奶茶、热柠水呢个喺我同老婆落茶记嗌餐饮嘅惯性组合，佢唔喺嗌热柠水，就喺热好立克，啲柠檬落得足，又够清香。而小弟杯奶茶称唔上好滑，但茶底算喺芳香，稍嫌花奶多咗啲啫。
几十蚊食个早餐，唔使准备、唔使煮，食完走得，真喺晌香港地喺落茶记、快餐店先可以咁。轻轻松松，又可以行吓短山喇！
张贴
