大快活 (已結業)

以前写过唔少晌美孚区快餐店嘅食评，但嚟嚟去去都喺美心同大家乐，依家卒之开咗间大快活，亦喺美孚区唯一一间大快活。其实本身对大快活无乜好感，因为以往每次帮衬大快活，食过啲嘢都喺麻麻，卖几多广告都好，都硬喺觉得佢啲嘢好一般。今次帮衬，都喺纯粹新店开张，帮衬一下 。对比起美孚区几间快餐店，可以好客观咁讲，真喺以大快活嘅环境最好，地方阔落唔在讲，座位偏排颇宽松，加上一室鲜橙色，的确令人醒神好多 。此外，都留意咗好耐，近门口有啲「爱心座」，初时唔为意点解，跟其他位有咩分别，原来，依几组枱嘅櫈喺可郁动，方便一啲坐轮椅嘅长者或伤残人士入座 ，依方面晌服务上真喺提升唔少印象分。仲有，啲执枱阿姐亦好好礼貌，见你食完，执剩杯嘢饮，抹抹枱之后加句叫你慢慢坐 。快餐店嘅食物选择来来去去都喺𠮶啲，唔会有咩大惊喜。 粟米蛋白奄列餐 $26 / $28 / $31可配火腿汤通粉 /牛奶麦皮、特色肠、即炸脆香鱼柳，全部配英式多士及即磨咖啡或香滑奶茶。老婆拣咗粟米蛋白奄列配牛奶麦皮（$26），饮热华田。粟米蛋白奄列，喺食奄列以嚟最清淡嘅奄列，外皮以蛋白制作，内里只有粟米粒及少少磨菇粒，真喺要洒少少盐先有啲味。而