影片
更多
2018-08-17
545 浏览
「我的星期六美孚早餐」呢个系列都好耐无写喇，上月初晌中环嘅Pacific Coffee叹个下午茶时，偶然发现佢哋推出咗啲红菜头特饮，呢啲健康嘢，啱晒我老婆啦，所以，专登揾个星期六落美孚曼克顿山嘅Pacific Coffee食个富贵早餐。晌美孚区，亦有Starbucks及其他咖啡店，但论到好坐，首推呢家Pacific Coffee。因为地方大，楼底高，木椅、梳化位任择，空间感强，予人感到舒适悠闲。故此，过往日子，我哋间中都有落嚟食吓嘢。尤其星期六嘅大清早，客人少，环境就更清静，食吓嘢，睇吓书嘅话，不知几轻省。讲明为个红菜头特饮，当然目标清晰，与此同时，见佢哋有推出咗一款与么凤联乘嘅「口立湿」系列，贪新鲜嘅我，今次就弃咖啡，试吓啲「骑呢」嘢。红菜头蜜糖柠檬水 $40红茶头系列共有3款，其中两款喺其冰乐，太冰嘅嘢绝对唔多啱佢，所以，就拣另一款「红菜头蜜糖柠檬水」（少冰）。虽然少冰，入口仍然都好清凉，但就唔会冻到人口骹软；你见得两片柠檬，因为柠檬唔喺主打，只喺带出少少柠檬嘅酸香味，饮落红菜头味十分突出，加咗蜜糖，继而令感觉到一份清甜味，整杯饮品嘅配搭都好有心思。冻柚子话梅绿茶 $38话梅搭绿茶
晌美孚区，亦有Starbucks及其他咖啡店，但论到好坐，首推呢家Pacific Coffee。因为地方大，楼底高，木椅、梳化位任择，空间感强，予人感到舒适悠闲。故此，过往日子，我哋间中都有落嚟食吓嘢。尤其星期六嘅大清早，客人少，环境就更清静，食吓嘢，睇吓书嘅话，不知几轻省。
讲明为个红菜头特饮，当然目标清晰，与此同时，见佢哋有推出咗一款与么凤联乘嘅「口立湿」系列，贪新鲜嘅我，今次就弃咖啡，试吓啲「骑呢」嘢。
红菜头蜜糖柠檬水 $40红茶头系列共有3款，其中两款喺其冰乐，太冰嘅嘢绝对唔多啱佢，所以，就拣另一款「红菜头蜜糖柠檬水」（少冰）。虽然少冰，入口仍然都好清凉，但就唔会冻到人口骹软；你见得两片柠檬，因为柠檬唔喺主打，只喺带出少少柠檬嘅酸香味，饮落红菜头味十分突出，加咗蜜糖，继而令感觉到一份清甜味，整杯饮品嘅配搭都好有心思。
红菜头蜜糖柠檬水
$40
19 浏览
0 赞好
0 留言
冻柚子话梅绿茶 $38话梅搭绿茶真喺好鬼马，亦无谂过可以咁搞，但失望少少喺成品无介绍牌张相咁有层次，沟出嚟已经喺全绿茶嘅颜色，杯面放有一杯话梅。味道又如何先？基本上，喺以绿茶为主嘅味道，而绿茶嘅茶味几幽香，带微微甘味，个茶底真喺唔错㖞；再慢慢饮落，会有种话梅散发出嘅酸香味，整体感觉确喺几得意，饮完之后，都唔好错过粒话梅，酸酸甜甜；不过，讲咁耐都无提及柚子味，的确饮到尾，都唔喺好觉。
由于我哋一早嚟食早餐，所以，食物选项非常之齐，有各式沙律、面包、三文治、酥皮卷、蛋批、蛋糕、乳酪……等等，冻柜旁仲放有松饼、牛角酥之类包点。
烤蘑菇蛋批 $28我哋晌Pacific Coffee试过唔少佢哋嘅烤批或蛋批，印象中都甚有水准，而老婆偏素，就拣呢一款烤蘑菇蛋批。批壳唔会太厚，而且非常香脆，批内填满烤蘑菇、蛋浆，面面又有啲芝士，香浓惹味富蛋香，又足秤㖞，好食。
烤蘑菇蛋批
$28
53 浏览
0 赞好
0 留言
公司三文治 $23但喺讲到佢哋嘅三文治，小弟记忆中反而喺第一次食，半份都卖到廿几蚊，都唔算平，幸好就算得半件都好足料，有芝士、烟肉、烧牛肉、生菜、蕃茄，如果喺即食，更可要求烘返热。烘热之后，包面脆脆哋，馅料嘅味道丰富，又有层次。
公司三文治
$23
29 浏览
1 赞好
0 留言
食完个美味早餐，出发行山去，虽然正值炎夏，但无损一班老友行山嘅兴致，不过，安全起见，拣咗条无乜难度，不时有树荫嘅卫奕信径第5段，由沙田坳行到去九龙水塘，等大家出身汗。
张贴
