影片
更多
2012-08-05
108 浏览
大家乐相对所住嘅屋苑远啲，所以比较少去啲，不过，小弟嘅信用卡积分就最常换啲饮饮食食嘅现金券，大家乐当然都有份，换啲现金券睇门口，不时食番个免费早餐或下午茶餐嘛。依次上到嚟大家乐，又要对住众多早餐组合上左拣右拣，「牛乳炒滑蛋」好似几有睇头，先拣一份佢，又见佢个「天天超值早餐」类别内有个「新产品」，其实只系麦片拼热狗，就试试睇你点新产品法？牛乳炒滑蛋早餐以牛乳炒滑蛋为主打，跟唔同配菜，如肠仔、餐肉……等等，再跟厚牛油多士或萝卜糕，送餐饮，由$20-$24.5不等。老婆真识拣，要个最贵嘅，牛乳炒滑蛋拼牛扒（$24.5），选厚多士，饮热柠水。块厚多唔系好大块，而且无乜点烘过咁款，但佢就钟意加埋滑蛋一齐食，由于啲牛乳滑蛋好得，加咗少少香草，又带点蛋浆，好食。廿零蚊份早餐，牛扒都无可能大大块咁俾你，而且都几薄身，不过，配洋葱汁，味道唔差，牛扒又几松软。天天超值早餐好耐无食麦片，又见佢话只迷你热狗系新产品，加埋杯热饮，都系卖$20，都几超值。鲜奶麦片煮得几滑口，稀杰度啱啱好，而只热狗话迷你，其实都系快餐店常见的正常长度，香肠都只系一般嘅鸡肉肠，惊喜位系啲热狗酱㖞，奶黄嘅热狗酱加咗蛋黄，味道酸酸甜，内
依次上到嚟大家乐，又要对住众多早餐组合上左拣右拣，「牛乳炒滑蛋」好似几有睇头，先拣一份佢，又见佢个「天天超值早餐」类别内有个「新产品」，其实只系麦片拼热狗，就试试睇你点新产品法？
牛乳炒滑蛋早餐
以牛乳炒滑蛋为主打，跟唔同配菜，如肠仔、餐肉……等等，再跟厚牛油多士或萝卜糕，送餐饮，由$20-$24.5不等。老婆真识拣，要个最贵嘅，牛乳炒滑蛋拼牛扒（$24.5），选厚多士，饮热柠水。块厚多唔系好大块，而且无乜点烘过咁款，但佢就钟意加埋滑蛋一齐食，由于啲牛乳滑蛋好得，加咗少少香草，又带点蛋浆，好食。廿零蚊份早餐，牛扒都无可能大大块咁俾你，而且都几薄身，不过，配洋葱汁，味道唔差，牛扒又几松软。
天天超值早餐好耐无食麦片，又见佢话只迷你热狗系新产品，加埋杯热饮，都系卖$20，都几超值。鲜奶麦片煮得几滑口，稀杰度啱啱好，而只热狗话迷你，其实都系快餐店常见的正常长度，香肠都只系一般嘅鸡肉肠，惊喜位系啲热狗酱㖞，奶黄嘅热狗酱加咗蛋黄，味道酸酸甜，内里仲有啲甘笋粒、葱粒，认真唔错㖞。慢慢叹埋杯咖啡，跟住行吓荔枝角公园，几hea呀！
其实嚟快餐店食嘢水准一向都OK，唔太好亦唔太差，但今餐个牛乳炒滑蛋同只热狗俾到少少意外惊喜，所以松手啲俾个「笑」佢！题外话，虽然依家啲人成日话物价贵，周时谂办法悭啲钱，但依然见好多人出街食嘢。晌万事达广场上面依间大家乐，早餐时段保持九乘几满，人流快上快落，纯粹睇食早餐嘅人流指数，依家个经济好似好好咁，或许美孚中产较多啦！
张贴
