大家樂

营业中

休息中

大家樂美孚美孚新邨第7期萬事達廣場1樓N95(B) 號舖昨日經過美孚，就在萬事達廣場開餐，我食左個蕃茄肉丸意粉配甜粟甘荀煲瘦肉湯 $39，蕃茄肉丸意粉賣相吸引，肉丸好味又好食；甜粟甘荀煲瘦肉湯清清甜甜，幾好飲。

我喺這家市值嘅食堂，試咗佢哋嘅黑椒牛肉炒薯角，牛肉入口頓時感受到肉質鮮嫩嘅口感，滿嘴牛肉嘅甜味與黑椒粒嘅微辣，稱得上是個平衡嘅組合🥩。而且，啲黑椒顆顆分明，每一啖都能嚼出新鮮嘅香氣，的確係家常美食中的小確幸。但係，炒得滋滋嘶嘶嘅薯角，油花有少少多，要係炸得少啲油就更加好味！至於佢哋嘅人參燉雞湯，就真係一個滿滿暖意嘅驚喜😊。湯底清透，飲落去感覺身體都舒服啲。嘅燉料，由蟲草花到雞肉再到人參，每樣都加得恰到好處，飲得出材料嘅新鮮同心思。唔得唔提，個濃茶就有啲多餘，跟完呢個清新嘅湯，我都唔係好想再飲什麼嘢咁濃嘅茶嘅🍵。再講吓燒鴨瀨加熱奶茶，燒鴨味美肉香，燶得滿滿碗，冇得輸。雖然瀨粉略感林林，但湯頭清甜，加個平常喝得嗰款香滑奶茶，真係別有一番風味。總括嚟講，若你想揾個熟悉又平實嘅下午飯局，呢度絕對係個唔錯嘅選擇。食物平民化，味道家常，雖然有起有跌，但整體嚟講都算得上係抵食同溫暖人心嘅選擇。

又到食飯時間,今次想食 "齋" 一點, 一於揀些清淡口味的, 一於在大家樂的點餐機慢慢揀, 見到有個特別飯餐 "鷹咀豆麻婆豆腐紅米炒飯餐" ,就試下,配一杯凍奶茶,收費$51用紅米炒飯,粒粒飯香,但又不會覺硬,感覺幾健康。

大家快樂始終不變？價錢變，服務態度都變，食物質素都變，大家自己感覺啦！！！五一公眾假期，探朋友，順便中途醫肚，近近地去大家樂下午茶，以前公司三文治係唔錯嘅，但宜家呢？公司三文治不單只分量細咗好多，連煙肉都縮水，都算粟米唔甜仲要牛油不足問店員，想提醒吓，幫手改善吓，但換來態度好差就話：係咁多㗎啦要加牛油就俾錢啦好嬲,真心嬲,好耐無幫襯，究竟係對街客係咁?定對個個客係咁?大家樂公司簡介：本著「為您做足100分」的服務宗旨，「由心出發」的服務意識已強烈植根在於員工的內心。請問今天，有嗎？

美孚冇乜好食😋，見大家樂最多人排就跟住排，成10個人，排到出面欄杆轉彎再排，排排下唔對路，原來右邊可以😌八達通自助購票或apps買，不過apps login咗好耐都唔得，最後成功apps買到咖喱🍛牛三寶飯（$53）+凍鴛鴦少冰（$10）+溫泉♨️蛋（$4）=$67。Apps㩒咗就喺個位度等。咖喱🍛牛三寶飯，咖喱🍛夠辣，牛三寶分唔出邊三寶，第一次加埋溫泉♨️蛋落咖喱🍛飯到食，感覺唔錯。凍鴛鴦冇乜味

晌屋企附近呢一家「大家樂」最常嚟嘅時間喺星期六嚟食早餐，下午茶就相對少。同朋友行完山，本身就食過下午茶，老婆就即興話都想食番個下午茶，所以，返到嚟美孚時幫佢上「大家樂」睇睇。 其實，大家樂嘅下午茶餐都有幾多選擇，影完下午茶嘅選擇俾佢，佢就一眼睇中啲雞翼茶餐，原因喺標明用咗麥蘆卡蜜糖，立時好似高級咗好多，加上佢都幾鍾意食燒雞翼。 特色雞翼、豉油皇炒麵 $29結果，佢就揀咗雞翼配炒麵，杯熱奶茶就醒我嘅。隻雞全翼都幾夠大隻，燒得又幾香喎，試我就無試喇，都喺老婆獨享，佢就話香口好食，確喺有陣陣蜜糖香，而炒麵我就黐咗幾啖試試，亦算喺唔錯，有豉油香味，唔喺好油，都算爽身，無話黐埋一嚿嚿，整體嚟講，佢就話好啱食。熱奶茶沖得都有一手，雖未及茶記嘅好，至少茶底夠芳香。嚟快餐店食嘢有樣好，就喺無論早、午、茶、晚市，不時都有啲新嘢，如果落茶記食下午茶，通常嚟嚟去去都喺嗰三幾款咁囉！

熊貓今天又被迫要去吃快餐，今次又是到了大家樂。經過上次經驗之後，我不會再選擇吃鐵板餐了。今次選擇食海南雞飯，配上原盅燉湯。燉湯竟然比我想像中好飲，雖然有少少味精味，但是配料非常充足。但是這裏的主菜，海南雞飯，卻令我非常失望。首先，飯的份量非常少，從相片也可以看得出只得半碗多一點。而雞的味道，真是不好吃，吃落也是乾爭爭的，而且有一刻我懷疑自己是吃緊白切雞，而不是海南雞。可能大家樂始終不是做雞出身的，海南雞飯就不好吃，下次還是點楊州炒飯算了吧。

聖誕節聯歡會，訂了大家樂外賣到會，送了30張10元現金劵，3月31日到期，趕快使用！星期六和家人來吃早餐：#吉列魚柳早餐，１塊炸魚柳、２塊午餐肉、１片烘多士、１杯即磨咖啡。#湯銀針粉早餐，新品種，有３種配搭，我選了吉列豬扒，配烘多士、湯銀針粉、１杯即磨咖啡，湯銀針粉份量少，不化算！#超值選早餐，１隻烚蛋、１片火腿、１碗火腿通心粉、１杯即磨咖啡，定價25元，火腿通粉份量比銀針粉多出一倍！真的超值之選！點餐慢！只有１人售票，接長龍！出餐慢！要等很久！

今日off duty之後，去美孚探一個受咗傷嘅伙記，之後再去大家樂食餐飯。 結果，還真係換來一肚氣。當時真係下晝五點半，我叫咗一個「滑蛋牛肉飯 配 凍檸檬茶」，以正常概念嚟講 應該係一絲絲又滑又薄嘅滑蛋，覆蓋著牛肉咁樣。但係大家樂嘅呢個「滑蛋牛肉飯」 竟然就係好似湯飯咁樣，有稀溜溜又水汪汪嘅芡汁，湯汁裏面有一啲滑蛋絲，同幾片牛肉咁樣。 好在就係有圖有真相，唔係真係講都冇人信呢個係滑蛋牛肉飯。賣相唔掂，味道就係更加強差人意， 水汪汪嘅芡汁，真係見到都唔想食，食到都唔覺好味，牛肉好硬，滑蛋根本就好似雞蛋碎，冇蛋味，芡汁就好鹹。完全唔似樣又完全唔好味。Oh My God

晌美孚區，幾家快餐店中，「大快活」就近我住嘅屋苑，幫襯得較多，但嘢食普普通通，比較少寫；其次喺「大家樂」，因為座位多，地方大較好坐；而「MX」就較少幫襯，因為環境好逼吓，坐得唔多舒服。最近，又嚟到幫襯大家樂，純粹因為一紙廣告。呢一家分店嘅早市都好多客，就算好似今朝星期六咁，算喺唔少人唔使返工嘅日子，都一樣坐滿客。早排睇到「大家樂」推出咗一款「豐盛套餐」，就喺呢則廣告喇，好有「全日早餐」嘅影子，都喺大堆頭大製作，有炒蛋、香煎多士、扒蕃茄、薯餅、煙腩片、茄汁豆、楓糖煎雞扒（可以配炸魚柳），跟餐飲，睇起嚟好正，而且，都只喺賣$42.5（剪報紙優惠券減$4），都叫好抵玩吓。雖然，成品出嚟跟廣告張相擺得無咁靚仔，但照到足有咁多樣嘢，份量都好夠。味道又點呢？比預期中好，好似啲煙腩片，幾香，又唔肥，炒蛋亦都算滑，兩件多士就好似西多咁沾滿蛋漿煎過，唔喺就咁兩片烘多士；不過，雞扒啲肉質雖然都滑，但層皮唔脆，亦只有微溫，明顯喺煎好擺咗好耐，始終都有啲快餐模式嘅作風。之不過，40蚊都唔使，算喺咁啦，總唔可能跟賣成舊水嘅「全日早餐」比嘅。美孚俾人感覺喺有唔少中產，不過，小弟唔喺囉，但目測睇到確喺有唔少人點呢個

I wonder if fast food chains like Cafe de Coral ever get enough attention from ‘foodies’ because we are always trying to find the hottest restaurant and bar with the most IG-able elements and dishes to attract ‘likes’ (呃 like ).For a quick fix for Hong Kong style foods, I’d go here. Recently I ordered their Roast Duck Noodles Tea Set for just HK$29 (for soup noodle and Iced Red Bean Drink - but since I’m not a red bean fanatic, I passed it for my beloved usual Iced Lemon Tea without syrup (走甜)

黑椒牛肉炒薯角 配人參燉雞牛肉鮮嫩甘香，黑椒汁的黑椒是很新鮮打碎的，令到牛肉食落甘甜甘香，好明顯是新鮮即炒，唔能夠說是非常好味，但足夠令人在日間忙碌的工作後，有一份滿足感。有個不好之處就是油比較多，而且大家樂的米飯，我可以說是很差的，米質好硬。但因為個牛肉好味我都有食曬既。等湯足料，湯水清清的，好原汁原味。配蟲草花，雞肉，人參，材料好足，我推薦呢個燉湯比大家試下，除了這餐平日去有時都會有叫中湯，燉湯是其中最好飲的。味道唔搶，飲落好舒服，個胃暖暖的。成個餐我感覺最無謂的就是這杯濃茶， 飲完湯，你還會再飲嗎?

原來冬天大家樂連午餐都有做煲仔飯！$47包煲仔飯，烚菜同中國茶套餐今天終於買到我愛吃的臘腸排骨煲仔飯剛午市，好多工友老人家坐低晒就買外賣～估唔到平時服務不佳，成日錯漏又廚房自己人成日打自己人的一間，再以出貨超慢，我等了足足二十分鐘才見外賣煲仔飯，唔通即做？咪玩啦～(所以好多茶仔都唔做煲仔飯，残念！）當然，係當然又漏了烚菜，唉，好彩知佢地係咁，唔使輸多次！超好食，性價比高！有熱又香的飯焦，排骨就雪野但份量算多，午餐難得有菜吃！呢個冬天，在佢結束前都會再encore一下，晤使只吃焗豬扒飯

星期六午市諗住簡單食個快飯，就揀左大家樂。叫左個雞皇焗菜，屬於平餐之一，點知就中左伏。我等啊等，等啊等，眼見遲過我來的人都已經上菜，但我仍未有，而餐廳已經開始由無咩人變得越來越多人，於是在等了10分鐘的時間問職員是否漏單。職員好有禮貌咁道歉，又話焗野要等4分鐘。我心諗，好，再等4分鐘。當然，4分鐘後都仲係無，我開始黑面，企係度望住啲職員，那經理就即幫我拎左張單，又call廚房話急單。然後十多秒就有得食。不過肥女經理好有禮，係咁道歉，態度真誠。當我坐下時，隔離有位男士都好嬲咁鬧話等左好耐，而我見佢並唔係食焗野。呢個係平餐，預左會係咁。雞粒有3小件，飯唔夠，有一半是茄汁焗菜。老實講，我唔覺得有焗過，個錫紙盒完全唔熱。只能講辛苦前線員工，好心大家樂請多啲人，對員工好啲

今早參觀完昂船洲軍營，乘坐6R巴士去美孚。很久没有去美孚了，要找個冷氣勁的地方吃午餐，想起大家樂。它又抵又多選擇，它的座位比茶餐廳寬敞。我們一行七人三大四小，大汗叠細汗入去找位。首先，冷氣很勁，正。另外，最感動的要是那些熱心的服務員，很努力找坐位給我們。我們等候了一會兒，找到了並排的两張大枱一起坐。大熱天時，一定要凍飲，今次叫了凍lemon water，糖水另上，甜度自行決定。叫了個粟米肉粒飯，我的快餐首選，因為易吃及不易失手的飯，那我囝囝可把它全部吃掉，不浪費。果然，有肉有菜味道可口，我們一丁點也没浪費。