影片
更多
2020-11-13
1470 浏览
星期一至五及星期日，基本上我俩公婆都会晌屋企食早餐，而星期六喺最轻松，朝早最无乜嘢搞嘅日子，所以，就会出街晌美孚周围揾吓食、轻松吓，之后可能行吓公园，或行一转短山。今次嘅选择，谂吓谂吓都好耐无帮衬过「翠河」，所以，就嚟到叹吓早餐。 晌美孚区有好多间快餐店、茶餐厅，以早餐嚟讲，「翠河」属于我哋值得翻兜嘅心水之一，但早餐以外，水准就好飘忽。除咗食过多次都保持到水准之外，内在环境好，楼底高，光猛阔落，亦喺我哋嘅考虑点之一，尤其晌依家疫情仲反反覆覆嘅情况。不过，今朝出面位多人，焗坐最入面啲卡位！早餐一个餐牌底面两页睇晒，A-H共8款选择，定价$24-$35，最搞嘢，供应去到12:00pm，悭番啲12:00pm前嚟落单当午餐都无问题。早餐A 传统早餐 $33相信个名都喺求其改，呢个组合点会称得上传统，唔好理，总之我哋啱食就得啦。其实佢啲早餐都几丰富，基本上一大碗仿鲍鱼火腿通粉都够晒饱，仲包埋北海道牛乳炒滑蛋及香脆金砖（即喺蒜蓉多士）。 先讲啲炒滑蛋，炒得坚滑，又够晒蛋香味，而多士蒜香味突出，又松脆。 通粉无煮过腍喺基本，但有唔少快餐店或茶记为方便，煮定一大锅又唔过冷河或降温，啲余温咪整腍晒啲通粉
晌美孚区有好多间快餐店、茶餐厅，以早餐嚟讲，「翠河」属于我哋值得翻兜嘅心水之一，但早餐以外，水准就好飘忽。除咗食过多次都保持到水准之外，内在环境好，楼底高，光猛阔落，亦喺我哋嘅考虑点之一，尤其晌依家疫情仲反反覆覆嘅情况。不过，今朝出面位多人，焗坐最入面啲卡位！
早餐一个餐牌底面两页睇晒，A-H共8款选择，定价$24-$35，最搞嘢，供应去到12:00pm，悭番啲12:00pm前嚟落单当午餐都无问题。
早餐A 传统早餐 $33相信个名都喺求其改，呢个组合点会称得上传统，唔好理，总之我哋啱食就得啦。其实佢啲早餐都几丰富，基本上一大碗仿鲍鱼火腿通粉都够晒饱，仲包埋北海道牛乳炒滑蛋及香脆金砖（即喺蒜蓉多士）。
先讲啲炒滑蛋，炒得坚滑，又够晒蛋香味，而多士蒜香味突出，又松脆。
通粉无煮过腍喺基本，但有唔少快餐店或茶记为方便，煮定一大锅又唔过冷河或降温，啲余温咪整腍晒啲通粉啰。仿鲍鱼丝及火腿丝都落得好足，鸡汤底亦唔失礼㖞，算得上香浓，所以，三十零蚊真喺抵食到痹。
早餐D 意大利蕃茄薯仔浓汤 $33另一个餐我哋就拣蕃茄薯仔浓汤螺丝粉，因为呢个真喺老婆嘅「飞弗」，之前好几次嚟都喺拣呢款，至多喺配唔同嘅配料，而今次就番我就拣午餐肉。同样，个餐配埋北海道牛乳炒滑蛋及香脆金砖。
唔喺夸张架，佢哋嘅蕃茄薯仔汤底确喺劲浓郁，蕃茄味酸香鲜活，又多薯仔粒，加上螺丝粉份量同样十足，故此，净喺食完碗粉已饱到九乘。
热奶茶、热好立克老婆今次唔饮柠水喇，改饮好立克，唔好以为嗌好立克就无嘢好讲，有时一杯好立克就饮得出诚意，第一冲得够浓麦芽味，所以，完全唔使落糖，第二师傅冲嘅时候水够热，又有搅过，否则饮到尾好多时会一大嚿好立克结埋沉底。另外，热奶茶都一贯地有水准，茶底醇香，丝滑细腻。
两份早餐都抵食、食物又唔错，所以，无怪乎喺我哋晌美孚食早餐胆之一。天气非常之清爽，所以，早餐后行转短山就最好不过。
张贴
