影片
更多
2019-09-29
1648 浏览
晌美孚区，几家快餐店中，「大快活」就近我住嘅屋苑，帮衬得较多，但嘢食普普通通，比较少写；其次喺「大家乐」，因为座位多，地方大较好坐；而「MX」就较少帮衬，因为环境好逼吓，坐得唔多舒服。最近，又嚟到帮衬大家乐，纯粹因为一纸广告。呢一家分店嘅早市都好多客，就算好似今朝星期六咁，算喺唔少人唔使返工嘅日子，都一样坐满客。早排睇到「大家乐」推出咗一款「丰盛套餐」，就喺呢则广告喇，好有「全日早餐」嘅影子，都喺大堆头大制作，有炒蛋、香煎多士、扒蕃茄、薯饼、烟腩片、茄汁豆、枫糖煎鸡扒（可以配炸鱼柳），跟餐饮，睇起嚟好正，而且，都只喺卖$42.5（剪报纸优惠券减$4），都叫好抵玩吓。虽然，成品出嚟跟广告张相摆得无咁靓仔，但照到足有咁多样嘢，份量都好够。味道又点呢？比预期中好，好似啲烟腩片，几香，又唔肥，炒蛋亦都算滑，两件多士就好似西多咁沾满蛋浆煎过，唔喺就咁两片烘多士；不过，鸡扒啲肉质虽然都滑，但层皮唔脆，亦只有微温，明显喺煎好摆咗好耐，始终都有啲快餐模式嘅作风。之不过，40蚊都唔使，算喺咁啦，总唔可能跟卖成旧水嘅「全日早餐」比嘅。美孚俾人感觉喺有唔少中产，不过，小弟唔喺啰，但目测睇到确喺有唔少人点呢个
呢一家分店嘅早市都好多客，就算好似今朝星期六咁，算喺唔少人唔使返工嘅日子，都一样坐满客。
早排睇到「大家乐」推出咗一款「丰盛套餐」，就喺呢则广告喇，好有「全日早餐」嘅影子，都喺大堆头大制作，有炒蛋、香煎多士、扒蕃茄、薯饼、烟腩片、茄汁豆、枫糖煎鸡扒（可以配炸鱼柳），跟餐饮，睇起嚟好正，而且，都只喺卖$42.5（剪报纸优惠券减$4），都叫好抵玩吓。
虽然，成品出嚟跟广告张相摆得无咁靓仔，但照到足有咁多样嘢，份量都好够。味道又点呢？比预期中好，好似啲烟腩片，几香，又唔肥，炒蛋亦都算滑，两件多士就好似西多咁沾满蛋浆煎过，唔喺就咁两片烘多士；不过，鸡扒啲肉质虽然都滑，但层皮唔脆，亦只有微温，明显喺煎好摆咗好耐，始终都有啲快餐模式嘅作风。之不过，40蚊都唔使，算喺咁啦，总唔可能跟卖成旧水嘅「全日早餐」比嘅。
美孚俾人感觉喺有唔少中产，不过，小弟唔喺啰，但目测睇到确喺有唔少人点呢个餐，除咗大堆头够丰富外，加上广告附上优惠券，喺更吸引人去帮衬嘅原因之一。
张贴
