新志記海鮮飯店 (已結業)

每次来到新志记, 一定系为左佢地的炖汤同生炒糯米饭, 唔敢话佢地系最好, 但系水准同价钱已经完全系物超所值. 虽然佢地的老伙计服务麻麻佢地炖汤有好几种, 有海底椰螺头炖鸡脚, 沙参玉竹炖龙骨, 但系秋冬季我就偏爱杏汁菜胆炖猪肺($60), 不过呢个汤经常卖晒, 所以我通常电话预订, 个汤好足料, 炖盅内有大量南北杏, 白菜胆, 猪肺, 金华火腿, 痩肉, 完全无落味精, 有大白菜的鲜甜, 炖足几个钟, d料出晒味, 又唔油, 一盅大概有5-6碗, 卖几十蚊真系好抵!! 仲好过自己煲!!另一个叫左一碗名物系生炒糯米饭($38), 其实已有好多媒体介绍过, 呢度的糯米饭系真正的生炒, 唔系出面'扮'生炒, 佢地将d糯米由生炒到熟, 炒到手都软, 诚意可加, d糯米唔'林'又唔油腻, 而且材料亦算不少, 包括腊肉, 腊肠, 虾米, 冬菇, 面头再铺上花生, 芫茜, 中芹, 色香味俱全, 粒粒皆炒得平均, 唔会有d有色, 有d无色, 真系绝对的出色 一年四季都有得食, 喜欢的真系值得一试