蟹膳 (已搬遷) 新店位置

Item: 蟹膳
Rating: 4
Author: 奥志雷

Kanizen

153 食记

味道

环境

服务

卫生

抵食

14433

湾仔

$801以上

日本菜海鲜蟹店

117

奥志雷

等级4

2.1K

朋友仔提过蟹膳好正，今晚专程过海揾食，试我人生第一只毛蟹！舖头非常隐秘，系正街尾角落头，黑妈妈又无招牌又无门牌劲搞笑，按制自动门打开 ﹗入口处有两大缸鳕场蟹比食客欣赏、拍照及娱乐，睇落真系好似缸色蜘蛛啊！睇睇 menu 先，某些价钱真系见到都面青青呀 ﹗雪藏蟹系香港好易就食得到，但活既游水毛蟹、游水鳕场蟹唯有专门店喇 ﹗到底点解细细只500gms毛蟹要成千银咁经贵呢？我真系唔明，就由您开始啦！虽然主打系蟹，但都有好多不同小食，我好想试晒去呀 ﹗朋友仔完来唔食海胆架，但成个餐主要配菜系海胆呢，师傅话会将所有海胆加到我既菜式上面，多谢晒呀 ﹗哈哈哈 ﹗Order 左个每位 HKD1480 既套餐，7 道菜加 1 甜品，静心等耐。食客唔算太多，只系半场满，见到 99% 都系食套餐，只有附既一对男女叫左整只鳕场蟹叹，仲食唔晒要打包添。心谂食唔晒比我麻，我一定帮到您，呵呵 ﹗客食客都系围住 U 形火锅枱坐，打开枱面就会见到有个电磁炉作蟹锅之用。烤枝豆，免费餐前小食，点解唔系任食架？枝豆脆口又湿润，带点烧烤味好特别。海胆鳕场蟹脚刺身，依度足足有两份海胆架，因为朋友仔唔食海胆，所以自动转移。好味到难以形容！唔怪得咁贵啦，物有所值既。活鳕场蟹脚刺生捞海胆、鱼籽、金箔，极度经贵！雪白既鳕场蟹肉弹牙湿润又滑溜溜，淡淡清甜带少许海水味道，捞埋即开新鲜海胆，既甜又清新，再加上鱼料既甘香，多层次既味道夹都不得了，完全唔想吞落肚呢 ﹗海胆鳕场蟹脚刺身，两只海胆坚系劲肥美又劲多肉呀，食极都仲有，鲜甜可口又弹牙，大满足 ﹗连伴碟既子姜同日本红葱头都唔放过，全部食晒，正呀 ﹗海胆鳕场蟹脚刺身走海胆，师傅专登为朋友仔做既鳕场蟹刺生，特别比多少少肉，真细心，赞 ﹗免治蟹棒，烧免治蟹棒好香口，烧过既蟹肉味道特别香甜，深橙黄色既蛋黄黄味超浓，捞埋一齐食仲有少少似阿妈整既客家萝卜茶果馅料既味道！好好味 ﹗配菜、生蛋黄依旧一滴不漏比我倒晒落肚。海胆蒸蛋，继续海胆，正呀 ﹗海胆飞鱼籽日式蒸蛋非常出色，色香味俱全！一啖过鱼籽、蒸蛋、海胆同时间啪入口，咸甜鲜、滑腍脆撞埋一齐，好味道，爽爆 ﹗烧海胆鳕场蟹脚，好粗、好大条呀！啖啖肉，加上劲多烧得鲜甜海胆！讲多无谓！杀呀！蟹肉十分弹牙，天然海水咸香，烤得香口，好食到震 ﹗太好味，我想要多条腿啊 ﹗海胆毛蟹肉黄蛋天妇罗，个卖相靓到艺术品一样，似皇冠又似盆景。点睇都唔似天妇罗啰，估您唔到。蛋黄做天妇罗？估唔到有咁既菜式，外层薄薄脆口云一般既天妇罗，包住里面暖暖香浓蛋黄，超赞！食半只，留半只捞毛蟹肉食，味道亘相配合，毛蟹肉味道较淡加上蛋黄味道刚好。连埋金箔鱼籽海胆，实在太过份、太奢侈喇！好好味，好幸福啊！我可唔可以食多份呀？***鳕场蟹毛蟹什菌野菜火锅！唔洗讲梗系坚好味啦！虽然只系普通日本味淋汤底，但烚完豆腐、绍菜、椰菜、金菇、本菇、冬菇、大葱、魔芋丝、鲜蟹后，汤底变得清甜好味！魔芋丝捞豉油都已经非常好食。有款貌似皇帝菜既野菜唔知咩黎呢？但食落爽口清甜，并无皇帝菜既辛辣㖞，Good。留返两个爆膏蟹盖备用，一阵用黎肴粥食。我都系觉得鳕场蟹好食过毛蟹好多，因为蟹肉鲜甜又味道浓郁，质感结实弹弹的，大旧又啖啖肉的。而毛蟹肉较清淡、鲜味、较碎，不过蟹膏劲多，软棉蟹膏铺满成个蟹盖架。鳕场蟹毛蟹什菌野菜火锅，日式毛蟹膏鳕长蟹膏蛋黄粥，正呀！系用刚才烚蟹、烚什菌蔬菜既上汤煮架。用两个爆膏蟹盖加蛋黄煮日本粥，棉滑味美，味道特别丰富香甜，无得输 ﹗好食到停唔到口，碗都机乎舔埋！蟹肉汤饺子，虽然普通一点，不过饺皮滑溜、馅料清甜，配上淡豉油都好好食，感觉好似食紧云吞咁啰！普通甜品，芝麻雪糕及柚子雪糕。