悅滿軒

今次撇低屋企人同男朋友，自己出动去揾好嘢食。所以拣咗喺美孚饶宗颐文化馆有间叫悦满轩嘅餐厅，一开始以为系食中菜，睇清楚啲发现原来系食法国菜。😆😆心谂咁都比我揾到，我就决定去试吓🤣🤣餐厅周围嘅环境宁静舒适，真系啱一个人自己享受舒服中午☺️☺️。装修都系以法国风情嘅风格为主👍🏻。自私食嘅我一共叫咗三样嘢🤣，先试前菜。法国冰烟三文鱼配法国鱼子酱 里考塔芝士（$158），卖相好靓，好赏心悦目😍 烟三文鱼同鱼子酱本身就系浓味，配埋口塔芝士，味道即刻中和返。🤤之后就试西班牙薄切红虾配柚子茴香沙律 热情果汁$198。呢个卖相又系超靓。佢个红虾切得好薄，再配埋柚子茴香沙律同热情果汁一齐食，柚子好清新，茴香完美咁突出左红虾嘅鲜味。食完之后令人有一种好清爽嘅感觉👍🏻主菜我食咗烤小龙虾意大利粉配西班牙红虾汁$298，我觉得佢个份量适中。有好浓郁嘅龙虾味，每一条意粉都比红虾酱汁包裹住 。🦞小龙虾爽口弹牙，加埋个红虾酱一齐食。真系好食到停唔到。呢餐真系超级好食， 而且价钱真系一啲都唔贵，用呢个价钱食到呢个质素嘅嘢。 真系物超所值。今次自己独食完下次一定要叫埋男朋友一齐黎🤣🤣🤣