TAVA Turkish & Mediterranean Cuisine (已結業)

星期六下午同屋企人揾地方食晏，行过海光街时老婆发现呢到开咗间Turkish嘅餐厅，老婆话想食而我又未食过土耳其菜，于是试下新嘢。可能新开关系，人唔系咁多，打开餐牌睇下，主要系Doner Kebab 烧烤为主。老婆同阿仔要咗Doner Kebab roll，一个系羊另一个系牛，我叫咗个牛Doner Kebab 配饭同菜。落柯打后先奉上面包同油醋，面包外脆内嫩而够热又有麦香，点d油醋十分讨好。我嘅主菜有烤牛加上少少菜，同一d饭，可能因为系用rotating roast 嘅关系，肉质较干，但味道都ok，而饭就几合我心意，粒粒分明有饭味，而且带d香料味。枱上有三种分别系薄荷、蒜头同辣味嘅sauce，个样有d 似印度菜用嚟点薄脆个只汁。试咗薄荷味道唔特出，但辣味就几醒胃，用嚟点肉可以令肉唔会太干。太太同阿仔嘅doner roll有French Fries 伴碟，份量不少但因为冇试所以唔知味道如何。另外老婆叫咗土耳其红茶而我同阿仔就叫咗苹果茶，红茶试咗一啖，但觉太浓，not my cup of tea。苹果茶甜度ok但唔觉好有特式。总体嚟讲食品水准都可以，招呼同地方都几好，价钱亦唔算贵。可以一试。