影片
更多
2014-02-23
895 浏览
其实美孚间大家乐间唔时都有去，不过，有时啲嘢食无乜特别就觉得无乜好写，而偶有特别嘅，就不妨hea番一篇出嚟。茶市套餐，一向都喺茶餐厅、快餐店嘅抢攻市场，好似今次晌大家乐所见，真喺茶餐选择多过午市、晚市，形形式式，真喺各具特色。不过，嚟得依度食下午茶，一切都讲求平宜、抵食、够快 ，要叹好嘢就过主啦。尤其屋村、屋苑依类地方，下午茶嘅市况确喺其门如市。就好似美孚依区，美孚大屋苑唔在讲，再入啲有公屋、又有居屋、规模细少少嘅私楼屋苑亦有好几个，家庭主妇、学生多，老人家就更多，所以，有啲为咗悭多个钱，下午茶当午餐食，往往都坐到庭无虚席 。 细叉烧饭 + 双重朱古力热饮 $24 大家乐成日卖广告有咩「天天超值选」，定价平啲，又包嘢饮，下午茶餐一样有，依个「细叉饭」都喺天天超值选之一，只卖$24，已包一杯红豆冰或双重朱古力热饮。个餐有趣在于个细叉饭应该实名叫「少叉饭」，因为饭嘅份量一啲唔少，跟正常嘅相差无几 ，只不过叉烧只得6小片，勉强够𩠌一碗饭 ，还好嘅喺半肥瘦叉烧唔错，烧得松化，又有少少㶶边。而最想知喺杯双重朱古力热饮，唔知点双重法。原来，杯朱古力以朱古力粉加朱古力浆开冲，朱古力味的确
茶市套餐，一向都喺茶餐厅、快餐店嘅抢攻市场，好似今次晌大家乐所见，真喺茶餐选择多过午市、晚市，形形式式，真喺各具特色。不过，嚟得依度食下午茶，一切都讲求平宜、抵食、够快 ，要叹好嘢就过主啦。
尤其屋村、屋苑依类地方，下午茶嘅市况确喺其门如市。就好似美孚依区，美孚大屋苑唔在讲，再入啲有公屋、又有居屋、规模细少少嘅私楼屋苑亦有好几个，家庭主妇、学生多，老人家就更多，所以，有啲为咗悭多个钱，下午茶当午餐食，往往都坐到庭无虚席 。
细叉烧饭 + 双重朱古力热饮 $24 大家乐成日卖广告有咩「天天超值选」，定价平啲，又包嘢饮，下午茶餐一样有，依个「细叉饭」都喺天天超值选之一，只卖$24，已包一杯红豆冰或双重朱古力热饮。个餐有趣在于个细叉饭应该实名叫「少叉饭」，因为饭嘅份量一啲唔少，跟正常嘅相差无几 ，只不过叉烧只得6小片，勉强够𩠌一碗饭 ，还好嘅喺半肥瘦叉烧唔错，烧得松化，又有少少㶶边。而最想知喺杯双重朱古力热饮，唔知点双重法。原来，杯朱古力以朱古力粉加朱古力浆开冲，朱古力味的确平常普通嘅热朱古力浓郁一啲 ！天寒地冻，一碗热辣辣叉饭，一杯烫热朱古力，虽然唔喺要讲咩质素，但只喺廿零蚊餐，够晒饱，绝对喺粮尾救星。
烧味三宝濑粉 + 餐饮 $26 烧味类嘅下午茶占茶餐不少比重，烧味双拼濑粉或米粉都喺一向热卖，依个所有「新产品」一啲都唔喺咩新嘢，只喺晌大家乐未曾有过？三宝喺乜？包括：卤水牛肚、红肠、鸡翼，仲配埋即磨咖啡、茶或汽水，都只喺卖$26，牛肚卤得不俗，又好爽，红肠唔喺用啲好差嘅大陆货，沟好多粉嚟整，食落「腍滋滋」咁。最想讲喺份量一啲都唔少，比起我个细叉饭，真喺多𩠌好多，盛得满满 ，而濑粉一样唔少，同样又喺粮尾救星，大碗抵食。老婆照例要热柠水，俾我就要即磨咖啡，心理上著数啲嘛 。
晌大家乐食下午茶餐用咗15分钟，算hea架嘞，睇住隔离张枱迟过我哋坐低，都喺食细叉烧饭，转眼食完仲快过我哋走咗。真喺一张枱可以一个钟内返枱4-5转，但依然见收银位短短人龙不绝，虽然一个茶餐扣除埋成本、人工、灯油口蜡，毛利唔多，但都不要小觑下午茶嘅生意利润，薄利多销嘛 。
张贴
