新記煲仔雞粥 (已結業)

哩一餐印象好深刻，𠮶阵返完工10点几，有个同事话去元朗食宵夜。佢十分推介哩一间餐厅，咁我哋就坐车去食。餐厅环境无咩特别，但系餐牌就好有惊喜，又有传统嘅粥品又有地道小食。当日叫咗一份炸大肠、鸡粥、蟹粥、多春鱼、皮蛋、炸両、鸡翼... 感觉就系不停叫不停叫。个鸡粥好浓嘅鸡味，好有味道，我哋抢住食，不愧为招牌菜。啲小食都好送啲粥。我特别钟意系炸大肠，因为脆卜卜加上酸甜嘅酱汁，Yum Yum Yum!皮蛋都好好食，唔会有难入口嘅感觉 (唔钟意皮蛋口感嘅人都应该接受到)。哩餐除咗好味，更多嘅系一种青春，宜家叫我咁夜跨区食宵夜，我会好犹豫。