阿芳上海餛飩

营业中

休息中

铺头好细，系会有d迫。但系佢嘅云吞好味到痴线！佢系𠴱种好清淡嘅上海菜肉云吞，唔系出面𠴱d好重味精好重味好多肥肉好油嘅云吞/饺子。云吞涵切得好细好细，入口之后唔洗点咬；每粒云吞都包到接近一模一样。如果唔想食得咁肥腻，「阿芳」会系你不二之选！而小食方面，我个人觉得糖醋排骨最好食，佢系用猪软骨做，味道唔错，不过如果可以无咁甜同埋无咁油就更好(不过糖醋排骨点都肥仔，我又无理由要求咁多)。我每个星期有几日都去食架，个阿姐都认得我记得我食咩😂。真系好好食。食咗呢度之后食唔返出面𠴱d。佢有得俾你买生云吞或饺子返屋企自己渌黎食，但我试过，结果时间掌握得唔好，结果无哂个shape，搅到个皮好易烂，所以都系系佢度食就最好。