臨記車仔麵 (已結業)

自从竹园开咗呢间车仔面之后，我收工就差不多两三日就去帮衬一次，因为佢啲𩠌菜比较特别啲，又啱我胃口，干净企理，所以晚饭通常都靠佢。今次我叫咗河粉， 42蚊套餐𠮶三个𩠌，我就要咗瑞士花香鸡翼尖，辣鱿鱼同猪软骨。跟餐嘅嘢饮，我就拣咗黑芝麻豆浆。今日有啲肚饿，仲加咗6蚊要多个花枝丸，同$19要多咗三只七味烧鸡翼鸡翼尖，系我喺呢度叫得最多嘅一个𩠌，因为够大只又有肉，而且够晒味。唔似得平时有好多车仔面啲鸡翼尖真系得啲骨。