影片
更多
2019-05-20
466 浏览
唐宫小聚最近成为咗我嘅饭堂，价钱又唔太贵，野又算好食，又可以遥距㩒定飞，岩晒心水嘅安排。乳鸽系必嗌架，一只$33，佢唔系大大只，厚肉𠮶啲，但胜在皮脆肉嫩，好香口。唔洗再沾淮盐都好好食。咬落去仲有少少肉汁流出黎。呢度仲细心到有手套同湿纸巾比你用，仲有个铁兜比你装骨头架。喺Openrice 见到中环分店嘅流沙包系有支金色毛笔比客人画下个包，然后再拎去蒸。不过尖沙咀就无嘅，直接上嘅黑金流沙。佢嘅流沙真系流出黎嘅，好滑？然后个包系竹炭的，平衡番入面嘅奶黄甜味！我推介呢个非常山竹呀！山竹嘅外形，外面系甜甜地，里面系蟹肉同龙虾汁。就咁睇佢外表，真系估唔到佢味道同口感系咁！热辣辣嘅内涵，啲龙虾汁同蟹肉丝系流心咁流出黎！超好味，呢啲就叫味蕾惊喜。担担拉面系老公叫嘅，因为我怕辣。佢话辣得好香，唔系斋花生味。一碗份量够一个人架咋，所以对佢来说就刚刚好。最后冰镇咕噜，以两个人黎讲，份量真系好多呀，好似食极都食唔哂。咕噜肉个皮好脆，甜酸味刚刚好。冰镇令佢外皮又冻更脆，我就嫌佢冻唔晒。不过整体黎讲系好食。呢度有样唔好就系，如果晏到就可能好多野都会卖晒，乳鸽同虾多士都会易卖晒嘅野。我有时会一坐低就嗌定架喇，亦试过
乳鸽系必嗌架，一只$33，佢唔系大大只，厚肉𠮶啲，但胜在皮脆肉嫩，好香口。唔洗再沾淮盐都好好食。咬落去仲有少少肉汁流出黎。呢度仲细心到有手套同湿纸巾比你用，仲有个铁兜比你装骨头架。
喺Openrice 见到中环分店嘅流沙包系有支金色毛笔比客人画下个包，然后再拎去蒸。不过尖沙咀就无嘅，直接上嘅黑金流沙。佢嘅流沙真系流出黎嘅，好滑？然后个包系竹炭的，平衡番入面嘅奶黄甜味！
我推介呢个非常山竹呀！山竹嘅外形，外面系甜甜地，里面系蟹肉同龙虾汁。就咁睇佢外表，真系估唔到佢味道同口感系咁！热辣辣嘅内涵，啲龙虾汁同蟹肉丝系流心咁流出黎！超好味，呢啲就叫味蕾惊喜。
担担拉面系老公叫嘅，因为我怕辣。佢话辣得好香，唔系斋花生味。一碗份量够一个人架咋，所以对佢来说就刚刚好。
最后冰镇咕噜，以两个人黎讲，份量真系好多呀，好似食极都食唔哂。咕噜肉个皮好脆，甜酸味刚刚好。冰镇令佢外皮又冻更脆，我就嫌佢冻唔晒。不过整体黎讲系好食。
呢度有样唔好就系，如果晏到就可能好多野都会卖晒，乳鸽同虾多士都会易卖晒嘅野。我有时会一坐低就嗌定架喇，亦试过坐低发现卖晒而伤心败走。
除此之外都无乜野要弹，呢度食物又好食，坐得都舒服，仲有食物好精致，呃like 影相都得。
张贴
