影片
更多
2012-02-09
107 浏览
急不及待写呢个食评.....琴晚好幸运得到 Openrice 既邀请, 黎到呢度进行一个黑暗既饭局《暗中开饭夜宴 - Dinner In The Dark》游戏规则系.........禁止摄影!!准时 7 点 3 前去到会场, 自己剔个名之后, 就拎返属于自己枱号既名牌~其他被邀既食家都好准时, 所以坐低等左一阵之后, 就开始噜..............................一开始, 有大会既工作人员先详细讲解, 解说呢个饭局既情序同意义~听完之后, 大家就开始紧张, 因为即将要踏入一个...........密室!!!!首先, 将自己既随身物品, 比如: 袋, 电话, 眼镜...etc 全部收入会场提供既 locker!!然后我地根据点名纸既安排, 分为 4 组: A / B / C / D, 乖乖咁排好队~一组大约系 6 个人, 每组入面都安排左 Openrice 既员工同行~之后就系派每人一支『手杖』, 小组分别慢慢向黑暗前进....等待既我, 心情愈黎愈紧张, 紧张之余又觉得好兴奋 >"<几分钟之后, 终于到我果组起步啦!!!!!!全组人先行入一个黑幕
琴晚好幸运得到 Openrice 既邀请, 黎到呢度进行一个黑暗既饭局《暗中开饭夜宴 - Dinner In The Dark》
游戏规则系.........禁止摄影!!准时 7 点 3 前去到会场, 自己剔个名之后, 就拎返属于自己枱号既名牌~
其他被邀既食家都好准时, 所以坐低等左一阵之后, 就开始噜..............................
一开始, 有大会既工作人员先详细讲解, 解说呢个饭局既情序同意义~
听完之后, 大家就开始紧张, 因为即将要踏入一个...........密室!!!!
首先, 将自己既随身物品, 比如: 袋, 电话, 眼镜...etc 全部收入会场提供既 locker!!
然后我地根据点名纸既安排, 分为 4 组: A / B / C / D, 乖乖咁排好队~
一组大约系 6 个人, 每组入面都安排左 Openrice 既员工同行~之后就系派每人一支『手杖』, 小组分别慢慢向黑暗前进....
等待既我, 心情愈黎愈紧张, 紧张之余又觉得好兴奋 >"<
几分钟之后, 终于到我果组起步啦!!!!!!
全组人先行入一个黑幕, 黑幕后面都仲有微微既光线....
我地先响黑幕后面企左一阵子, 以便适应一片漆黑既房间~
其实, 呢个唔可以叫做 "暗中开饭", 应该叫: 漆黑夜宴!! 因为..........
完全一 D 都唔暗, 直头就系黑漆漆一片, 伸手不见 5 指!!!!
果一刻既感觉......真系好难形容!!
只系感觉到自己手掌冰冷, 但手心不停出汗, 唯有起势咁揸实手杖!!!
还好, 每小队都有一位大会员工既声音带领, 否则....真系觉得超无助~
其实行既路程可能只系平时既 10 数步, 但系....果一刻, 响完全睇唔到野既情况下....
我相信, 我地应该系用多左 3 倍时间去行到自己既坐位~
因为我地每个都好紧张, 好小心, 细细步咁去探索可以行既路!!
好唔容易咁终于行到自己既位置, 乖乖坐低之后又系另一个开始.......探索餐枱时间!!!!
因为好惊自己粗心大意会扫晒 D 餐具落地, 又惊打烂 D 杯杯碟碟, 所以真系同行入黎既时候一样咁紧张 >"<
慢慢+轻轻, 终于知道自己前面有 D 咩....包括: 刀, 叉, 匙, 干/湿纸巾, 牛油碟/刀, 水杯.....etc
探索完之后, 真系唔敢轻举妄动, 乖乖坐响度听大会同事安排同指引!!!!
又经过左一轮解说之后, 我地开始小心翼翼咁慢慢动手.......
第一个挑战就系......倒水!!
枱上面有樽好大既水, 你想饮就要靠自己倒入水杯......
你完全唔会知道倒入水杯既水有几满, 真正第 1 次倒杯水都腾鸡过人 = =!
有水饮之后, 就乖乖地等上菜....
呢晚既餐单包括: 头盘 / 主菜 / 甜品 / 餐饮
你唔会预先知道呢晚食咩, 每上一度菜既时候亦唔会讲你知呢碟系咩....
不过大会既员工会 keep 住同你有声音既交流, 方便知道大家既位置, 等佢可以帮你收碟, 上菜...etc
而你响无左视觉既情况下, 你只可以靠自己既味觉, 嗅觉去品尝....
食既每一样野其实一 D 都唔复杂, 只不过, 当你唔知道碟上面有咩既时候...................
虾碌情况就发生噜....比如: 鼻头碰到美食, 手指插入美食, 推倒饮品, 将美食推左落枱/自己身上/地下....etc.
还好, 我地无发生打碎餐具既情况, 哈哈哈~
同枱既系 2 位卓越食家 + 3 位 Openrice 员工, 大家自己介绍过之后, 开始左倾倾右倾倾. 大家好都 nice 耶 =)
每食到一样野, 我地都会兴奋咁报告比同枱既队员知...就好似发现新大陆咁, 哈哈~
当食到一 D 自己唔太肯定既食物, 我地就会齐齐讨论.....
最后一个挑战就系帮你既战友调教一杯餐饮....安全起见, 大部份都系热茶就算噜, 哈!!
食饱饱之后, 我地又再拎起手杖上路, 跟住大会员工既声音慢慢行出密室......
出左密室就去返入口既黑幕, 暗暗既光线原来响漆黑一片入面系一度强光呢~
wow....头晕晕耶.....应该系漆黑中去返有光既地方未适应....
所以出左密室之后, 要乖乖企定望住地下噜~
等稍稍适应返光之后就步出黑幕, 会场出面已经预先放好左我地头先食过既头盘 / 主菜 / 甜品 / 餐饮
吼吼吼, 开估去...........结果, 好厉害!! 我地估中晒每一度菜既内容!!!!! Yeah!!!!
((** 尊重大会规例：无餐单 / 食物照 **))
呢晚唔系一个饭局, 而真系一个好充实既体验, 幸运地自己从来都无试过失去视力!!
虽然一直都知道眼睛既重要性........不过都系好难想像, 如果自己眼睛睇唔到野既时候会有咩感觉.....
今次真系完完全全体会到, 还好我地有一班员工既声音导航, 否则....................
所以, 的确好佩服一班失明人士, 因为响呢个黑漆漆既世界入面, 无可否认佢地的确比我地更强!!
问心, 自己都系奥比斯既忠实粉丝, 亦参加过无数次既盲侠行...
当中亦都有要你戴住眼罩行一段小路既体验, 只可以讲........呢次既感觉系完全无得比!!
推!!!
推!!!
推!!!
开心体验过后, 当然唔少得影返张相留念啦~
为左配合返呢个黑麻麻既主题, 相中人都系好神秘的哟~
多谢 Openrice 同大会既邀请及精心安排呢个...........超尽兴, 超快乐, 超难忘, 超刺激之旅 {感动}哇哈哈哈, 期待下一次!!! =]
张贴
