Todai (已結業)

前几日，我哋同学聚餐拣左依间嘢食buffet ，因为依间好多好评，又未试过所以去试下。我一出去就攞左啲生蚝试下，啲生蚝好细只呀，得一个手指公多啲啲咁大，我好钟意食生蚝，但依次食，觉得好海水味....所以都冇再去攞。之后去左攞蟹脚、寿司、鱼生咁啦，啲蟹脚好碎，味道普通，攞左啲三文鱼、吞拿鱼.....鱼生不好吃，都冇去食。 但佢啲手卷都不错，同埋佢既海胆寿司好鲜好好味，佢有只长方型的蛋印有佢公司logo 都好味。食食下，见到啲人排队，原来攞龙虾仔，要十五分钟一次，咁跟住，我地就等十五分钟出去排队啦，每人排一次队只限攞一只，攞到了，真系不错，芝士味相当浓郁。食左都唔算太多嘢，已经饱饱，去左攞甜品，雪榚，pancake 都ok ，最好味系梳扶梨，不过又系要排队等。服务普通，冇咩人来收碟，饮品要另外比钱，得几样食物比较出色，选择不太多。