華星冰室 (克街)

营业中

休息中

今晚去饮，大家都知道七时恭候，唔知几点先开席，为免搞到半夜都未食得，所以就食少少野打打底，龙虾伊面实在唔太啱本人胃口。行过华星冰室，咁就正好食件西多三文治什么也好，至少唔会饿Q 死！今日唔知做咩忽然想食西多，仲要咖央馅！枫糖浆系另上的，炸得金黄的西多士，加埋半溶化鲜油，西多的热力令到牛油慢慢溶化，不如你就咁杀左我算啦。外表就好靓仔，切开见到内馅唔系好多咖央酱，有啲失望添，不过多士好脆又无话滴晒油淋晒咁，整体都叫唔错！食完滚水渌脚咁走，俾钱时听到侍应好大声叫“喂！拎齐野呀” ，（即系𠮶只好粗豪茶餐厅声），原来我漏左成袋野无拎到，仲要喺放左喺枱面，多谢佢咁大声提我，否则我应该会直出门口，之后当然又系揾餐劲嘅，真系好大声但服务分数暗暗加左不少。