聰。C Dessert

营业中

休息中

今日放假同友人喺铜锣湾行完街，行到热热地，揾个地方凉吓冷气倾吓偈先再返屋企Hea。带咗友人去我至爱嘅聪．C甜品食嘢。个餐牌甜品数量之多有人花多眼乱，因为我成日食嘅关系，今次就由有人发办，佢拣咗一冻一热，都系聪嫂最受欢迎嘅甜品之一，热嘅拣咗蛋白杏仁茶冻嘅拣咗芒果丽莎。另外就嗌咗两个窝夫分别系香蕉朱古力酱，焦糖脆脆，牛角窝夫，麻糬红豆抹茶雪糕牛角窝夫。杏仁炖蛋白养生美颜之选，杏仁味浓郁，杏仁茶又香又滑，蛋白又系滑嘟嘟进入喉咙。芒果丽莎系杨枝甘露嘅进化版，佢嘅汁底系芒果沙冰，另外有甜甜嘅芒果同椰果，仲有类似西米嘅脆口水晶珠，口感丰富味道清新，食完透心凉。香蕉朱古力酱焦糖牛角窝夫一层香蕉，一层雪糕加埋脆脆放上窝夫上面食，配合完美麻糬红豆抹茶雪糕牛角窝夫麻糬细细粒，烟烟韧韧，红豆抹茶系天作之合另外餐厅以白色为主，环境优美，服务员笑面迎人服务迅速。