Ateen 社企素食 (已結業)

因為看了楊大偉專欄，有一間新開素食店係我屋企附近。所以專登上門光顧。加上我已經加入Green Luck Wedding 群組。都要堅持每週素食。Ateen 社企素食係一間工廠大廈2樓。地方單計食堂大約有一千尺。星期六中午時間無乜人。唔使等位。叫餸係自選式加湯。無餐飲。只可點選三味餸。我點咗齋滷味、勝瓜雲耳根片、野菌鮮竹卷加冬瓜去濕水。連等餸時間都唔使。好似食麥記。因無餐飲，所以要自己裝檸檬水。因我要備戰馬拉松，所以要少食，個飯啱啱好夠食。個飯用少量紅米。但其他男士就唔夠食啦。齋滷味無用色素。味道一般。勝瓜雲耳根片好爽口。新鮮入口。野菌鮮竹卷都好正，個野菌好鮮甜。冬瓜去濕水好淡。杯檸檬水同樣好淡。但食素就係要人清心寡欲。間素食店有其他素食品出售。間店開星期一至六。星期六早收。下午2時半收工。經開長沙灣可以上門光顧。