影片
更多
2006-01-17
2 浏览
今次罕有地由我做东，请一班姨妈姑姐食饭。订位时已问定有否12人套餐，佢话做紧$1880的特价套餐，原价是$2,380。去到时竟然话冇得做，但个女部长好好人，佢话可以特惠给我，而且我己预订了一个大布甸，佢话可以放弃套餐的甜品，加60蚊就可以有个大布甸。第一道上系鸡炖翅，一梳梳翅蒲面，不过我觉得不似排翅，用筷子一夹就散，而汤底较油。窝贴大明虾-炸得不算太油，不过味道好淡，一定要点沙律酱才有味。桂鱼卷-鱼肉唔结实，有少少霉的感觉；而炸的部份，亦不算好脆。大良炒鲜奶并野鸡卷-炒得唔错，不会过杰，变了糊状，不过食落几多油，较腻，而野鸡卷不是十分脆口。炸子鸡-妈妈大赞唔错，皮脆肉嫩。另外，乳猪拼盆、生菜片鹌鹑崧、鱼汤浸时菜算是不过不失的货式。炒饭-炒得好干身，不会太油，饭粒几爽，配料亦十足。鸳鸯粉果-有炸有蒸，大家都认为炸最好食，炸得好透彻；虽然套餐份量足够我o地12人食，不过我当然唔少得叫生炒骨啦，不过食落啖啖肉，似咕噜肉多D。表妹觉得好食，而我就认为甜酸汁的味道恰好，但排骨就炸得唔够脆，似是翻炸的。西米布甸-虽然大家都食到好饱，但大家对西米布甸都唔够喉，后悔只叫了一个，如果再叫一个大布甸，我相
订位时已问定有否12人套餐，佢话做紧$1880的特价套餐，原价是$2,380。
去到时竟然话冇得做，但个女部长好好人，佢话可以特惠给我，而且我己预订了一个大布甸，佢话可以放弃套餐的甜品，加60蚊就可以有个大布甸。
第一道上系鸡炖翅，一梳梳翅蒲面，不过我觉得不似排翅，用筷子一夹就散，而汤底较油。
窝贴大明虾-炸得不算太油，不过味道好淡，一定要点沙律酱才有味。
桂鱼卷-鱼肉唔结实，有少少霉的感觉；而炸的部份，亦不算好脆。
大良炒鲜奶并野鸡卷-炒得唔错，不会过杰，变了糊状，不过食落几多油，较腻，而野鸡卷不是十分脆口。
炸子鸡-妈妈大赞唔错，皮脆肉嫩。
另外，乳猪拼盆、生菜片鹌鹑崧、鱼汤浸时菜算是不过不失的货式。
炒饭-炒得好干身，不会太油，饭粒几爽，配料亦十足。
鸳鸯粉果-有炸有蒸，大家都认为炸最好食，炸得好透彻；
虽然套餐份量足够我o地12人食，不过我当然唔少得叫生炒骨啦，不过食落啖啖肉，似咕噜肉多D。表妹觉得好食，而我就认为甜酸汁的味道恰好，但排骨就炸得唔够脆，似是翻炸的。
西米布甸-虽然大家都食到好饱，但大家对西米布甸都唔够喉，后悔只叫了一个，如果再叫一个大布甸，我相信都食得晒。
布甸后还有奉送的芝麻糊，大家又赞好，认为系即磨芝麻，不是用粉冲制的，老豆仲食一次过了两碗。
一家人一路食怀旧菜一路讲怀旧事，虽然水准只是一般，最紧要开开心心又一餐。
张贴
