影片
更多
2010-11-07
83 浏览
系朋友激赞及介绍之下，决定同朋友一共三个人去呢间闻名已久的食店试下，因为去开𠮶啲海鲜火㶽店都食到闷闷地。去之前心中有个疑问架啦，佢哋去开德X火㶽任食咋㖞，系咪真系咁好㗎，上到佐敦店楼上后，见到阿苏大海报话激赞，心中更是期待。原本想订8点，话满哂要到9点先有位，9点去到仲要等到9点半，冇计啦，想食好嘢，等下都冇计啦。终于都等到啦，好嘢! 入到去之后，好! 装修不错，坐得几舒服，服务员就水准一般般啦，一看餐牌，哇! 咁贵㗎，都没所谓，最后点了一个水鱼锅，一个手切肥牛, 一碟四宝丸，一盆什菜，一碟鲩鱼片，仲有一、两碟食咗都冇乜印象嘅嘢，同八罐啤酒。水鱼锅——OK，算不错，价钱$128算系咁啦!手切肥牛(边位)——两百几蚊一碟大牛，算几贵，但质量完全唔掂，肉色差，食落冇口感冇牛味，点收得人咁贵㗎，我系深圳𠮶间牛肉火㶽专门店食嘅手切肥牛收三十几蚊人仔都好食个佢何止N倍! 真系当人唔识分好定唔好吔! 四宝丸——迷你到极，质量又差，同人哋𠮶啲手打虾丸完全冇得比!什菜——最好呢样，其他真系普通至极,无乜好讲。埋单盛惠$1,200蚊，三个人食，贵系贵，但唔系问题，问题在于啲野食完全唔掂，就算$68任食
水鱼锅——OK，算不错，价钱$128算系咁啦!
手切肥牛(边位)——两百几蚊一碟大牛，算几贵，但质量完全唔掂，肉色差，食落冇口感冇牛味，点收得人咁贵㗎，我系深圳𠮶间牛肉火㶽专门店食嘅手切肥牛收三十几蚊人仔都好食个佢何止N倍! 真系当人唔识分好定唔好吔!
四宝丸——迷你到极，质量又差，同人哋𠮶啲手打虾丸完全冇得比!
什菜——最好呢样，其他真系普通至极,无乜好讲。
埋单盛惠$1,200蚊，三个人食，贵系贵，但唔系问题，问题在于啲野食完全唔掂，就算$68任食都唔会再嚟，真系唔明点解会咁多人嚟食，只意识到开食店开系旺区嘅重要性，及明星效应。
离开时再见到阿苏激赞的大相，唉~~ 阿苏，仲话自己系食家，从今开始我信你先奇啊!
张贴