太子美食閣 (已結業)

我都几钟意呢间快餐形式餐厅。钟意原因好似好衰咁，就系一定有位…但我并非话佢D 唔好食呀，而系一般人广东道一带都会去Pokka, Starbucks, Strawberry Forever, Cova，或者酒店coffee shop去叹下午茶。好少人会去呢间唔系太起眼cafe食。虽然呢间cafe都系Marco Polo开，但唔系好多人知，加上呢间都几低调，D蛋糕又收得好埋，基本上好难吸引到街客(对手太多喇)。但事实上，酒店"快餐店"梗系有翻咁上下啦！Cheese cake的确唔错，连我最怕食柠檬味cheese cake都觉得佢lemon cheese cake唔错，好滑！其他cheese cake味道浓郁，钟意食浓味cheese cake就晒！而佢烧牛肉都几正，咪就系酒店水准啰，因为佢的而且确系出自酒店嘛！而家我连早餐都呢度买，虽然系take away，但唔使成日都食大X乐同美X快餐咁闷嘛，都唔错呀！