碗碗香 (已結業)

我同朋友黎到依间餐厅食午餐，第一次黎依间餐厅试下，依道专卖贵州牛肉粉，依道可拣唔辣或bb 辣，少辣，中辣，大辣，我地就叫左一碗唔辣一碗少辣。老板推荐苦丁茶，我地就叫左一杯热一杯冻既苦丁茶。野食好快就黎到，第一印象系好大碗! 粉口感烟韧，爽口，熟度均匀，比平时既粉好食好多! 至于汤底, 少油不腻，有清甜既牛肉味，辣味黎自麻籽，我既最爱，饮汤感觉舒服，唔会觉得太咸。牛肉可谓极品，好软口，重牛肉味。苦丁茶我比较倾向要冻既，苦苦甘甘既味道可以帮助解辣。份量十足，我地食完都觉得好饱。个人认为依道既红烧牛肉粉系我食过最好食既，好值得试!! 依家舖头不算大，餐厅规模唔大，但质素好可能比出面所谓名店卖既牛肉粉更好，价钱亦更相宜。推荐!!