鬼金棒

营业中

休息中

我地叫左一碗辣麻味噌沾面，小辣高麻，汤入面有叉烧、芽菜、粟米笋、仲有小量既葱花。沾面既面底比拉面既面底系比较粗既，可能系容易令沾面汁挂上面啦🤩 叉烧好大块好厚，大约1.5cm咁厚🤩 叉烧半肥瘦，食落唔肥腻，肉质好松不鞋口。汤汁虽然叫左小辣高麻，但我觉得唔算好辣，应该唔食辣既朋友可以试一试。除左食拉面同沾面之外，我仲另外叫左3个小食，味玉、增量叉烧、增量粟米笋。除左叉烧继续发挥出应有水准外，另外2款小食都唔错。味玉即系酱油溏心蛋，一咬落去蛋黄软心就慢慢咁流出嚟🤩 虽然粟米笋沾面同拉面都有，但粟米笋呢款小食真系唔常见同埋都好爽好好味，所以忍唔住叫多个小食黎食喇！