影片
更多
2011-02-17
11 浏览
寻晚(16-2-2011 Wed)约好同女友人TW食饭,佢拣o左呢o度,而呢o度限食2hrs.好食o既有:1-5. 刺身: 三文鱼,赤贝,甜虾,鲍片同(鱼立)鱼,几新鲜.6. 南瓜天妇罗,好甜.7. 加州卷,其实佢料好足,不过系细细件.8. 越式札肉粉卷,呢个差唔多成个钟至到,以为漏单.鱼露好够好味,面上同里面o既花生碎好香脆,馅料系黑色爽口o既o野,但唔知系乜,应该系云耳o个类.正常o既有:9- 19. 虾天妇罗,鸡软骨串,冬菇串,软壳蟹卷,牛油炒杂菜,芒果布甸,桂花糕,火炙三文鱼加州卷,烧粟米,金菇肥牛卷(烧汁唔平均,我o个件太甜)差少少o既有:20. 蒜片炒牛柳粒,蒜片炸到好硬,咬唔到又唔香;但牛柳粒都OK.21. 豉椒炒花甲,呢个几似样o既,不过唔够镬气,始终呢o度唔系做专业中餐o挂.22. 车厘茄串烧,上枱见到有烟肉包住好细粒o既车厘茄,车厘茄o既酸甜系中和到烟肉o既咸,亦好味,但可惜车厘茄真系太细粒,功效发挥好有限.唔好食o既有:23. 椒盐三文鱼,呢个系畀错o既,呢个成个冇乜味.24. 刺身沙律,有三文鱼,吞拿鱼刺身,同有车厘茄同沙律菜,而应该系𫠒红鱼o既刺身,好鯹.黑醋
好食o既有:
1-5. 刺身: 三文鱼,赤贝,甜虾,鲍片同(鱼立)鱼,几新鲜.
6. 南瓜天妇罗,好甜.
7. 加州卷,其实佢料好足,不过系细细件.
8. 越式札肉粉卷,呢个差唔多成个钟至到,以为漏单.鱼露好够好味,面上同里面o既花生碎好香脆,馅料系黑色爽口o既o野,但唔知系乜,应该系云耳o个类.
正常o既有:
9- 19. 虾天妇罗,鸡软骨串,冬菇串,软壳蟹卷,牛油炒杂菜,芒果布甸,桂花糕,火炙三文鱼加州卷,烧粟米,金菇肥牛卷(烧汁唔平均,我o个件太甜)
差少少o既有:
20. 蒜片炒牛柳粒,蒜片炸到好硬,咬唔到又唔香;但牛柳粒都OK.
21. 豉椒炒花甲,呢个几似样o既,不过唔够镬气,始终呢o度唔系做专业中餐o挂.
22. 车厘茄串烧,上枱见到有烟肉包住好细粒o既车厘茄,车厘茄o既酸甜系中和到烟肉o既咸,亦好味,但可惜车厘茄真系太细粒,功效发挥好有限.
唔好食o既有:
23. 椒盐三文鱼,呢个系畀错o既,呢个成个冇乜味.
24. 刺身沙律,有三文鱼,吞拿鱼刺身,同有车厘茄同沙律菜,而应该系𫠒红鱼o既刺身,好鯹.黑醋唔多够.
25. 木糠布甸,里面竟然有蛋糕,cream同饼干碎太甜,估唔到细细杯都好漏.
26. 西柠软鸡,每件系细细件,亦做到有西柠味,但系粉多,内里o既唔似鸡,唔好食,食一件已经唔食.
饮品:
27. 西洋菜蜜(热),开头觉得甜度OK,唔太甜,但饮到底就超甜,因为冇搅搅棒嘛.
28. 金蜜桃特饮,唔太甜,蜜桃味清.
29. 绿茶(热),一杯好细杯,要叫多两杯o黎饮,呢个正常.
TW食,我冇食o既: 马豆糕(冇评价),芝麻鳗鱼寿司(好香芝麻味),
环境:
我o地去到时系搭枱,明明两张枱可以分开,经理见我o地好惊讶,佢至将两张枱分开.
都坐得几舒服,不过通道好似窄o左啲,侍应行过成日都撞到我张椅.
服务:
会畀o左同乱畀食物,我o地剔o左椒盐鲜鱿冇o黎到,竟然畀o左椒盐三文鱼.又无端端畀多串o野我o地.
不过都算勤快啦.
卫生:
座位o既地下黐笠笠o既.
我食刺身沙律时,竟然食到一粒粒烟烟韧韧咬唔开o既o野,原来系发泡胶粒.
总括而言,$168.00一个人食到多国菜又有火锅,都系唔错o既选择.
张贴