秋田火鍋海鮮丼浜燒專門店 (已結業)

今日又试新餐厅，环境唔错，有日本 feel，入到嚟都唔觉有鯹味👌。我一坐底，就叫啤酒先啦，大大杯 KIRIN 👍。点咗个筑地二人前😋。先嚟极上刺身拼盘，一见到三文鱼就扣分👎，海胆、拖罗、甜虾都好味😋。跟住河豚鱼干，烧得唔够干👎。人气蟹味噌甲罗烧，好有蟹味👍。青森残酷鲍鱼，烧得唔错，好弹牙又有汁👍。朋友研究个鲍鱼壳，点解会咁靓，会唔会用完洗干净再用🤔。澳洲顶级牛胸肋骨肉，烧得 over 咗，好韧吓👎。山之惠黑松露茸野菌箔烧，我唔系太钟意食呢啲，但都试咗少少，都 ok 嘅👌。伊势海老，个酱都唔错，但虾尾就唔太有虾味，都弹牙👍。反而虾头正好多👍。九洲松叶蟹，真系鲜甜好有蟹味😋👍。筑地海鲜杂炊，好甜嘅粥👍。甜品系蜜瓜，但系未熟嘅，好生硬😥。店内都系港人服务，就连烧烤都系佢地服务，我就觉得差咁啲日本人气喇😥。