sensory ZERO (太古城中心)

营业中

休息中

由开业到而家一路帮衬开，一路keep得住个水准😋食物价钱合理，仲唔收+1。点可以唔帮衬?!佢哋而家做紧个「暖暖冬日餐牌」，样样都好好食。每一款都跟一个餐饮同埋餐汤，今日试咗呢啲：红酒炖牛面颊配小啡菇•牛油薯蓉 $188牛面颊份量非常多差唔多占大半个碟，啲肉非常之腍同埋入味，红酒汁再加埋薯蓉食，非常之好味👍🏼再配埋小啡菇，味道更加丰富。澳洲M5+和牛温泉蛋饭 $178同样牛肉嘅份量非常多，铺满整个碗，每块肉嘅中间都系粉嫩嘅红色，非常吸睛。肉质鲜嫩，全无跟腱，肉味香浓。赔偿温泉蛋，味道建议无缝。再用日本米，口感完全冇得挑剔。蒲烧三层鳗鱼滑蛋饭 $148有三大块鳗鱼片，每块都有半节手指咁厚身，肉质弹牙爽口，鳗鱼汁香甜，加上紫菜丝铺面，滑蛋超有蛋香，非常满足😋橙茶（免费送）斟茶虽然系免费，但系一啲都唔马虎，香橙味浓郁，加上浓茶而且甜未适中，非常开胃。蘑菇汤 跟餐加$10非常真材实料，佢唔系忌廉汤𠮶种，反而系将好多蘑菇打碎煮汤，所以每一啖都食到蘑菇粒，蘑菇味爆炸。