Porker (已搬遷) 新店位置

一直都好抗拒食炸嘢，因为觉得炸嘢好油腻，而且我都有啲怕肥，所以好少食炸嘢，点知惊朋友介绍去到呢间餐厅，一试就改变左我对炸嘢嘅感觉。首先，一定要讲吓佢杯茶，本人自问都去过唔少嘅日本餐厅，通常都系用冻水或者茶去比客人，但系呢一间舖头嘅麦茶最令我印象深刻，因为佢嘅茶味同埋麦味平衡得啱啱好，所以令到我好深刻，我起码饮咗有五六杯，相信平时饮水都唔会饮咁多，哈哈！因为本人有啲贪心，所以就点左佢嘅full house set, 可以满足我既所有愿望。佢嘅炸猪扒，虽然系炸，但系都唔会太油腻，食咗四五旧，都唔会觉得好济。其中有块猪扒，入边仲系夹左芝士，一啖咬落去之后cheese系猪扒入面慢慢咁样流出嚟，成个口都充满着芝士，浓浓嘅芝士香味一直系个口到挥之不去。呢间舖头值得再去一试。最后，佢嘅面豉汤都值得一赞，当你有时食炸猪扒食到个口好油嘅时候饮一啖面豉汤可以洗走口入边嘅油分，令到你可以重新出发再战炸猪扒。战斗力无限提升。