影片
更多
2020-03-13
512 浏览
都系𠮶句，每个人嘅口味唔同，我都系照直讲。事源，武肺关系日日食外卖，食到厌，想去附近食好西，就谂住试下成日经过但无食过嘅峰寿司。想早啲废事人多，6点入去食，得两三枱客。服务:正常，无咩好讲上菜速度: 快过麦当劳，未免太快茶:非常一般，唔好饮但又唔难饮，无咩好讲豉油: 差，唔咸、唔甜、唔鲜，点落啲寿司到一啲都帮唔到手Wasabi: 我多数去食寿司第一件事一定系睇姜同wasabi，佢地虽然系配角，但系做得好可以加好多分。佢无姜，我已经有啲失望。一打开个wasabi 个盖，佢唔系污糟，而系一睇就知系粉开嘅wasabi。而食落口同佢个样好一致，只有攻鼻，咩味都冇。(以上两样配料已令我唔敢叫咁多野食，因为你知依间野嘅食材唔会好得去边。)寿司: 依间野有个优点就系好多新口味，而且都出得几合理，唔会系红豆呀，咸鱼呀咁。叫左蟹肉沙律、鱿鱼、各种口味三文鱼、海带渍鲷、芥末八爪鱼、海胆、鹅肝、紫苏白饭鱼、蟹膏、火炙鱼背等等等等。所有野嘅味道都好一致。一致地唔腥，但一致地无味。同埋一致地涷。系令你啲牙都涷到有啲痛嘅涷。唔理件野好唔好食，鱼生涷到咁真系即刻扣好多分。而且，所有野都系咩味都冇，你食到每件食材都应
事源，武肺关系日日食外卖，食到厌，想去附近食好西，就谂住试下成日经过但无食过嘅峰寿司。
想早啲废事人多，6点入去食，得两三枱客。
服务:正常，无咩好讲
上菜速度: 快过麦当劳，未免太快
茶:非常一般，唔好饮但又唔难饮，无咩好讲
豉油:
差，唔咸、唔甜、唔鲜，点落啲寿司到一啲都帮唔到手
Wasabi:
我多数去食寿司第一件事一定系睇姜同wasabi，佢地虽然系配角，但系做得好可以加好多分。佢无姜，我已经有啲失望。一打开个wasabi 个盖，佢唔系污糟，而系一睇就知系粉开嘅wasabi。而食落口同佢个样好一致，只有攻鼻，咩味都冇。
(以上两样配料已令我唔敢叫咁多野食，因为你知依间野嘅食材唔会好得去边。)
寿司:
依间野有个优点就系好多新口味，而且都出得几合理，唔会系红豆呀，咸鱼呀咁。
叫左蟹肉沙律、鱿鱼、各种口味三文鱼、海带渍鲷、芥末八爪鱼、海胆、鹅肝、紫苏白饭鱼、蟹膏、火炙鱼背等等等等。
所有野嘅味道都好一致。
一致地唔腥，但一致地无味。
同埋一致地涷。系令你啲牙都涷到有啲痛嘅涷。
唔理件野好唔好食，鱼生涷到咁真系即刻扣好多分。
而且，所有野都系咩味都冇，你食到每件食材都应该有嘅口感，但系好神奇所有野系咩味都冇。
三文鱼好大旧，但无味。
海胆唔腥无化学药水味，但无味。
芥末八爪鱼有少少山葵味，但八爪鱼无味。
紫苏白饭鱼有紫苏味，但白饭鱼无味。(成晚最突出嘅就系紫苏味)
连火炙鱼背出黎嘅鱼油都可以剩系得油味，完全唔香。
仲有个软壳蟹卷，一落单佢就走出黎，好明显唔系新鲜炸，仲要每件得8分1都唔知有冇嘅软壳蟹，而且都系无味...
个鹅肝都可以接受，但系已经弥补唔到其他野食输左嘅分数。
其实真系好神奇，点解可以咩味都无?
总之系唔好食，但又唔可以话佢好难食咁。
但系就好似ex咁，佢好好，你会记得佢，佢好衰，你又会记得佢，但如果佢咩特色都无，又无咩开心唔开心咁，你好快就唔会记得佢。
最后讲下旧饭，其实佢饭同寿司比例几好，唔会大大旧，想食死你咁，而且握出黎个形几靓仔，但系个饭都系无咩味....
埋单加埋10%差唔多700...(比起平时算少，食唔饱)
唔算平但唔贵...
其实明白想系食材度悭成本，但系入啲货真系太差啦，咁样只会系恶性循环，赶客。
总结，唔会再去。
P.S. 无影相。一黎佢又无咩摆盘，有咩好影，二黎唔专业，影唔得靓。三，唔中意影相。
张贴