石澳林明園燒烤場BBQ士多

营业中

休息中

一大班同事去完石澳沙滩「返工」后，夜晚包了场BB蕉，费用当然由公司畀。「玩」左成日又湿又支卜，一返到来都有几盆的咖哩角、春卷同薯条等住我地，好感动! 虽然系买返来的，但小弟一向觉得依D雪藏咖哩角同春卷都几可口的，而且炸得几脆，食左好多呢。烧烤物有好多选择，系要自己出去个冰柜拎入去烧的，选择唔少的。个晚食左...鸡翼、鸡扒、猪扒、猪颈肉、肠仔同埋各式各样的丸。只可惜冇样出色，样样都腌得不够入面，最后每样食物都只系食到搽上去的蜜糖味...。鸡扒好林，猪颈肉一D都唔爽，肠仔都系好林唔好食的，而猪扒同鸡翼算系较好的，但当然都系唔够味。丸类方面，印象中只有牛丸较佳，其他又唔爽口又全部一样味（墨丸、龙虾丸、烧卖全部都系同一只甜味...），味道不是太好。一开始用叉烧的，但大家烧到一半已经冇心机攞住枝叉烧了，加了钱加个网，学鬼佬烧野食。老板同伙计都好落力，有求必应，而且有卡拉OK唱的。成个地方大概有10张枱啦，所以对我地来讲都算有好多地方，只可惜食物不好，应该唔会再来。但因为唔系我埋单，又唔知道价钱的关系，还是不要给笑/喊脸了，只系写食评。