影片
更多
2021-04-25
1278 浏览
原本呢个铺位系中菜，虽然都系稻香旗下，可惜抵不过疫情转型为平民路线既稻香茶居，佢地午市做紧所有点心都系小点价钱，即系廿蚊咋，非常适合一班同事黎聚餐。 三式肠（虾、牛、叉烧）好钟意呢种咁有弹性既菜单设计，可以令人一次试到几款肠粉。论味道虾最好，叉烧已经失咗甜味，牛肉比较松散。 .鲮鱼球灼西生菜鲮鱼球有鲜味无碎骨，味道较一般小食店为佳 .七味豆腐除咗点心外，小食大部份都系40蚊，但份量唔细，豆腐炸得外脆内嫩，惹味非常，不由自主咁食咗好多粒。 怀旧滑鸡春卷近来食开春卷都系蒜香虾，都偏重口味，滑鸡春卷食落冇咁heavy，但系似放咗厨房一阵先拎出黎，外皮已经软化咗d 香滑奶皇包粉味比较重，奶味唔够香，唔值得试。 蚝皇鲜竹卷蒸得过咗火喉，成pat野咁，口感欠缺，入面馅料都食唔出咩特别惹味。 功夫小笼包色香味都唔错，食时仲有肉汁，不愧功夫之名。 .酱皇金钱肚金钱肚其实系牛肚，因为纹路似铜钱所以叫金钱肚，蒸得熟透够软烂吸汁，酱汁味道完全入哂，咬落冇渣有嚼劲。 .美极日本红鲜鱿鱿鱼仲算爽口弹牙，酱汁有助吊出少少既鲜味，份量几足。
三式肠（虾、牛、叉烧）
好钟意呢种咁有弹性既菜单设计，可以令人一次试到几款肠粉。论味道虾最好，叉烧已经失咗甜味，牛肉比较松散。
.
鲮鱼球灼西生菜
鲮鱼球有鲜味无碎骨，味道较一般小食店为佳
.
七味豆腐
除咗点心外，小食大部份都系40蚊，但份量唔细，豆腐炸得外脆内嫩，惹味非常，不由自主咁食咗好多粒。
怀旧滑鸡春卷
近来食开春卷都系蒜香虾，都偏重口味，滑鸡春卷食落冇咁heavy，但系似放咗厨房一阵先拎出黎，外皮已经软化咗d
香滑奶皇包
粉味比较重，奶味唔够香，唔值得试。
蚝皇鲜竹卷
蒸得过咗火喉，成pat野咁，口感欠缺，入面馅料都食唔出咩特别惹味。
功夫小笼包
色香味都唔错，食时仲有肉汁，不愧功夫之名。
.
酱皇金钱肚
金钱肚其实系牛肚，因为纹路似铜钱所以叫金钱肚，蒸得熟透够软烂吸汁，酱汁味道完全入哂，咬落冇渣有嚼劲。
.
美极日本红鲜鱿
鱿鱼仲算爽口弹牙，酱汁有助吊出少少既鲜味，份量几足。
张贴
