影片
更多
2009-03-30
130 浏览
又到星期五，第二朝又唔使返工，当然系谂吓有咩节目搞啦......同事话会同老公入去西贡食海鲜，问我地有冇兴趣一齐去，于是放工去旺角执埋班长同妹妹就出发，结果虽然冇塞车，都要用咗35分钟至入到去。在冇咩选择之下，就咁选择了洪记。星期五晚嘅西贡，唔特别多人，好易就揾到位，之后我地出去拣海鲜，同事老公同个老板讨价还价，又减加工费，又减海鲜价，劲呀......讲返我地食嘅嘢：1. 白灼虾 > 非常老，一上台一望就知系over-cooked，都唔明点解咁简单嘅嘢都可以搞成咁嘅，虾壳表面已经白哂，离哂壳，肉里面啲水已经走哂出嚟，搞到啲肉又老又干。辣椒豉油应该一系就啲辣椒唔靓、又或者系佢地冇将佢煮过，一啲辣味都冇，失败....2. 杨州炒饭 > 本来系落单时讲明系最后至上，但系竟然系第二样上枱，唯有又系同经理讲，伙记唯有死死地气拎返入厨房，最后再一次上枱，但系妹妹话好明显系再炒过，因为饭粒表面啲油多咗。3. 蒜蓉粉丝蒸元贝 > 虽然你见到佢表面系舖满蒜蓉同葱，但系其实一啲都唔香，粒元贝明显过熟，好韧...4. 椒盐濑尿虾 > 算做好啲嘅一道菜，够香口，够干身，唔会油淋
讲返我地食嘅嘢：
1. 白灼虾 > 非常老，一上台一望就知系over-cooked，都唔明点解咁简单嘅嘢都可以搞成咁嘅，虾壳表面已经白哂，离哂壳，肉里面啲水已经走哂出嚟，搞到啲肉又老又干。辣椒豉油应该一系就啲辣椒唔靓、又或者系佢地冇将佢煮过，一啲辣味都冇，失败....
2. 杨州炒饭 > 本来系落单时讲明系最后至上，但系竟然系第二样上枱，唯有又系同经理讲，伙记唯有死死地气拎返入厨房，最后再一次上枱，但系妹妹话好明显系再炒过，因为饭粒表面啲油多咗。
3. 蒜蓉粉丝蒸元贝 > 虽然你见到佢表面系舖满蒜蓉同葱，但系其实一啲都唔香，粒元贝明显过熟，好韧...
4. 椒盐濑尿虾 > 算做好啲嘅一道菜，够香口，够干身，唔会油淋淋
5. 清蒸老虎班 > 又系过咗火，豉油唔香，带唔出鱼嘅鲜味，都唔明点解个师传日日都不知要蒸几多条鱼，但系竟然都会失手嘅，真系失败中之失败
6. 清蒸重皮蟹 > 一系就佢啲蟹唔靓，一系就唔系当造期、已近尾声，虽然仍然见到层皮，但系明显只蟹应该系keep紧fit，如果唔系根本就冇理由得咁少膏，而且都系一样-- over-cooked。
7. 蒜蓉炒菜心 > 啲菜好嫩，但系冇咩镬气
总评：服务态度强差人意，可以话系不升反降，仲差过以前。平均消费$220/人。食物就大部份都煮过笼，徒哂啲食物，其实海鲜本身冇咩调味料需要，烹调技巧亦冇乜，但系个厨子都竟然可以煮成咁....真系失败中之失败，以后去到西贡尽可能都唔好帮衬呢间，唔怪得呢间一向都系少啲人帮衬𠮶一间啦.....
张贴
